Zaŭtra ŭ Minharvykankam padaduć zajaŭku na praviadzieńnie «Čarnobylskaha šlachu»
Zajaŭka na praviadzieńnie 26 krasavika ŭ Minsku vuličnaj akcyi «Čarnobylski šlach» budzie pieradadzienaja ŭ Minharvykankam 8 krasavika. Pra heta paviedamiŭ staršynia Partyi BNF Alaksiej Janukievič.
Pavodle jaho słoŭ, arhanizatary akcyi buduć prasić dazvołu na praviadzieńnie mierapryjemstva ŭ nastupnym farmacie: zbor na placoŭcy kala prezidyuma Nacyjanalnaj akademii navuk u 18 hadzin, potym šeście pa vulicy Surhanava da carkvy ŭ honar ikony Božaj Maci «Spatoleńnie zahinułych», raźmieščanaj pobač z parkam Družby Narodaŭ. Tam płanujecca pravieści žałobny mitynh i zapalić śviečki.
Podpisy pad zajaŭkaj pastaviać pradstaŭniki Partyi BNF, ruchu «Za Svabodu», ruchu salidarnaści «Razam», Biełaruskaj partyi «Zialonyja», Abjadnanaj hramadzianskaj partyi, arhkamiteta pa stvareńni partyi «Biełaruskaja chryścijanskaja demakratyja», Biełaruskaj sacyjał-demakratyčnaj partyi (Hramada).
Pavodle słoŭ Janukieviča, 7 krasavika na pasiadžeńni arhkamiteta byli zaćvierdžanyja asnoŭnyja łozunhi akcyi: «Čarnobyl nie zaviaršyŭsia — katastrofa praciahvajecca», «Nie Astravieckaj AES» i «Čarnobyl — 30 hadoŭ chłuśni Kramla i ŭłady Alaksandra Łukašenki». Vakoł hetych łozunhaŭ, adznačyŭ jon, płanujecca budavać asnoŭnaje idejny napaŭnieńnie akcyi.
«Čarnobylski šlach» — vuličnaja akcyja, jakuju biełaruskaja apazicyja pravodzić štohod z 1988 hoda ŭ Minsku ŭ farmacie šeścia, jakoje zaviaršajecca mitynham pradstaŭnikoŭ demakratyčnych sił. Vyklučeńnie skłaŭ 2011 hod, kali staličnyja ŭłady ŭpieršyniu zabaranili šeście, daŭšy dazvoł tolki na praviadzieńnie mitynhu.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary