Kali i jakija pošliny pryjdziecca płacić pry ŭvozie tavaraŭ z-za miažy?

Novyja limity na ŭvoz z-za miažy tavaraŭ pa-raniejšamu vyklikajuć u biełarusaŭ niamała pytańniaŭ. Ci raspaŭsiudžvajucca abmiežavańni, jakija ŭviaduć 14 krasavika, na bahaž u samalocie? Ci treba dekłaravać pry vyjeździe za miežy krainy asabistyja rečy, kab potym nie płacić pošlinu? Ci buduć uličvacca kamandziroŭki pry padliku limitaŭ? Śpiecyjalisty Dziaržaŭnaha mytnaha kamiteta adkazali na pytańni čytačoŭ TUT.BY, źviazanyja z kuplaj tavaraŭ za miažoj pa novych praviłach.

Pavialičyć

My ŭžo raspaviali pra novyja limity na pasyłki. Ale abmiežavańni ŭviaduć i dla tych, chto budzie pierasiakać miažu čaściej za adzin raz u try miesiacy. U takim vypadku možna budzie pryvieźci biazpošlinna z-za miažy tavar na sumu bolš za 300 jeŭra abo vahoj bolš za 20 kiłahramaŭ, za pieravyšeńnie limitaŭ pryjdziecca zapłacić uvaznuju mytnuju pošlinu z sumy pieravyšeńnia, mytny zbor i padatak na dadanuju vartaść. Tyja, chto buduć vyjazdžać za miažu nie čaściej za adzin raz u try miesiacy, zmohuć pravieźci dla asabistaha karystańnia tavar na sumu da 1500 jeŭra i vahoj nie bolš za 50 kiłahramaŭ (hetyja normy dziejničajuć ciapier).

Pry pierasiačeńni miažy avijatranspartam limity na tavary zastajucca raniejšymi — na sumu da 10 000 jeŭra i vahoj nie bolš za 50 kiłahramaŭ niezaležna ad kolkaści pajezdak za miažu.

Nahadajem, z 14 krasavika taksama ŭvodziacca novyja limity na mižnarodnyja pasyłki — da 22 jeŭra i vahoj da 10 kiłahramaŭ.

Jak buduć vyznačać košt rečaŭ u bahažy?

Pytańnie: Dobry dzień! Rastłumačycie, kali łaska, nastupnyja pytańni. 1. Jak mytnia budzie rabić acenku tavaraŭ, jakija ŭvoziacca ŭ RB? Da prykładu, pradukty, bytavaja chimija, adzieńnie. Ci nieabchodna mieć čeki na ŭsie pakupki, u tym liku i nabytyja na rynku? 2. Kali ja ŭvožu tavary na sumu da 300 jeŭra, a mytnia nie zhodnaja z hetaj acenkaj, pry hetym ja ŭžo zajechaŭ u zialony kalidor, ci budzie heta ličycca administracyjnym pravaparušeńniem? I jak padstrachavacca ad takoj situacyi — vybirać «na ŭsialaki vypadak» čyrvony kalidor i dekłaravać usie tavary?

— Padychody da vyznačeńnia mytnaha koštu ŭvozimych tavaraŭ nie źmieniacca. Kab paznačyć košt tavaru, jaki ŭvozicca, hramadzianie mohuć pradjavić dakumienty (dahavor, śpiecyfikacyja, rachunak-faktura, tavarny ček, kvitancyja ab apłacie i inšyja). Pry adsutnaści dakumienta, jaki paćviardžaje košt tavaru, jaho košt vyznačać supracoŭniki mytni na padstavie najaŭnych u ich rasparadžeńni krynic.

Kali ŭ vandroŭnika, jaki ŭjazdžaje praź zialony kalidor, znojduć tavary zvyš za normu ŭvozu, u jaho dziejańniach buduć bačycca prykmiety administracyjnaha pravaparušeńnia (niedekłaravańnie tavaraŭ). Tamu, kali vy sumniavajeciesia, lepš nie ryzykavać i adrazu adpraŭlacca ŭ čyrvony kalidor.

Prykład. Padarožnik zajazdžaje ŭ Biełaruś druhi raz za 3 miesiacy i nie ŭkłaŭsia ŭ normu, a jon nabyŭ za miažoj televizar za 300 jeŭra vahoj 10 kiłahramaŭ i mabilny telefon za 150 jeŭra. Ahulny košt tavaru — 450 jeŭra, pieravyšeńnie limitu — 150 jeŭra. I kali televizar uvachodzić u limity, to za telefon treba ŭnieści mytnyja płaciažy. Mytny zbor składzie 50 jeŭra, mytnaja pošlina — 0% (jaje pamier zaležyć ad katehoryi tavaru, u dadzienym vypadku nulavy), a taksama PDV — 30 jeŭra. Atrymlivajecca, što za telefon pryjdziecca ŭnieści mytnyja płaciažy ŭ ahulnaj sumie ŭ 80 jeŭra, u vyniku jon abydziecca ŭ 230 jeŭra.

Pytańnie: Pry niepryznańni mytniaj rečaŭ, jakija ŭvoziacca, tavarami dla asabistaha karystańnia, dzie možna skłaści mytnuju dekłaracyju, naprykład, jedučy na pasažyrskim ciahniku? Kolki pa časie zojmie składańnie dekłaracyi i płaciažy za składańnie dekłaracyi, mytnyja zbory i pošliny?

— Mytnuju dekłaracyju možna pradstavić u punkcie mytnaha afarmleńnia pry pierasiačeńni miažy albo źmiaścić tavary pad mytnuju praceduru mytnaha tranzitu da ŭnutranaha punkta mytnaha afarmleńnia. Dla vyličeńnia mytnych zboraŭ užyvajecca aficyjny kurs biełaruskaha rubla da zamiežnaj valuty, ustalavany Nacbankam na dzień rehistracyi dekłaracyi na tavary.

Adnosna času, jaki zatračvajecca inśpiektaram na praviadzieńnie mytnaha kantrolu (ahlad, nadhlad), varta skazać, što jon šmat u čym zaležyć ad kolkaści tavaru i hatoŭnaści asoby spryjać (ažyćciaŭlać razhruzku, adkryćcio ŭpakoŭki, davać tłumačeńni i hetak dalej) praviadzieńniu nieabchodnych formaŭ kantrolu.

Ci zakranuć abmiežavańni bahaž pasažyraŭ samalotaŭ?

Pytańnie: Dobry dzień! U mianie takoje pytańnie. U novym ukazie prapisana, što limity na ŭvoz tavaraŭ z-za miažy 300 jeŭra nie raspaŭsiudžvajucca na pavietranyja pieravozki, ale kali ja prylaču na samalocie ź niejkaj krainy, a praz tydzień, naprykład, pajedu ŭ Litvu na ciahniku i zatym znoŭ na ciahniku nazad. Jakija normy buduć dziejničać pry viartańni na ciahniku?

— Źmieny pryniali, kab praduchilić sproby pieramiaščeńnia hramadzianami kamiercyjnych partyj tavaraŭ pad vyhladam tavaraŭ dla asabistaha karystańnia. Pry pierasiačeńni miažy pavietranym transpartam takija ryzyki minimalnyja, tamu dadzienyja abmiežavańni nie raspaŭsiudžvajucca na tavary, što pieravoziacca ŭ bahažy hramadzian, jakija pierasiakajuć miažu na samalocie.

Kolkaść pierasiačeńniaŭ fizičnaj asobaj mytnaj miažy pavietranym vidam transpartu, a taksama ŭ punktach propusku praz «niebiełaruski» ŭčastak mytnaj miažy JEAES dla ŭkazanych metaŭ nie ŭličvajecca.

Pra pieravozku rečaŭ nazad u Biełaruś paśla pražyvańnia za miažoj

Pytańnie: Dobry dzień! Maja znajomaja paśla praciahłaha pražyvańnia za miažoj viartajecca ŭ Biełaruś na pastajannaje miesca žycharstva. Jana budzie pieravozić nazad svaje rečy. Ci buduć pa adnosinach da jaje prymianiacca novyja limity?

— Paradak pieramiaščeńnia tavaraŭ dla asabistaha karystańnia pry pierasialeńni fizičnych asob na pastajannaje miesca žycharstva vyznačany mižnarodnymi damovami, rašeńniami Kamisii Mytnaha sajuza i zakanadaŭčymi aktami Respubliki Biełaruś. Narmatyŭnyja akty pa hetym pytańni raźmieščanyja na sajcie DMK. Dziejańnie ŭkaza № 40 na takuju katehoryju asob nie raspaŭsiudžvajecca.

Ci treba dekłaravać asabistyja rečy?

Pytańnie: Ci buduć asabistyja rečy ŭklučacca ŭ limity? Ci treba dekłaravać ich pry vyjeździe ź Biełarusi?

— Abmiežavańni nie raspaŭsiudžvajucca na byłyja va ŭžyvańni tavary, jakija ŭvoziacca nazad u niaźmiennym stanie paśla vyvazu (akramia naturalnaha znosu). Naprykład, mabilnyja telefony, fotaaparaty, płanšety, noŭtbuki i inš.

Dekłaravańnie asabistych rečaŭ pry vyjeździe zastajecca na mierkavańnie padarožnikaŭ.

Kali pry vyjeździe rabiłasia dekłaravańnie, to pry ŭjeździe nazad moža być pradastaŭlenaja pasažyrskaja mytnaja dekłaracyja, zapoŭnienaja pry vyvazie. Kali pry vyjeździe nie rabiłasia dekłaravańnie, to prachodžańnie kantrolu prachodzić u ramkach mytnaha kantrolu (padychody da adniasieńnia tavaraŭ i b/u rečaŭ nie źmianilisia).

Pra pravoz asabistych rečaŭ niepaŭnaletnimi

Pytańnie: Moj niepaŭnahadovy syn (15 hadoŭ) časta vyjazdžaje za miažu dla ŭdziełu ŭ spabornictvach. Čaściej za ŭsio — biez supravadžeńnia baćkoŭ, a tolki z trenieram. Z saboj jon viazie spartyŭny invientar, u tym liku rakietki. Ci treba ŭ takim vypadku pry vyjeździe ź Biełarusi dekłaravać sportinvientar? Kali tak, to chto pavinien heta rabić — 15-hadovy syn, trenier abo patrabujecca niejkaja piśmovaja zajava baćkoŭ (abo i zusim ich abaviazkovaja prysutnaść pry vyjeździe za miažu)? Ci źmieniacca pravy dekłaravańnia pry dasiahnieńni synam 16 abo 17 hadoŭ?

— U vypadku, kali košt sportinvientaru, byłoha va ŭžyvańni, pieravyšaje 1500 jeŭra i 50 kh i vy płanujecie jaho potym uvozić nazad, jaho treba zadekłaravać pry vyjeździe.

Normy biaspošlinnaha ŭvozu raspaŭsiudžvajucca na tavary niezaležna ad uzrostu asoby, jakaja ich pieramiaščaje. Uzrost hramadzianina ŭličvajecca tolki pry pieramiaščeńni ałkaholnaj pradukcyi, piva i tytuniovych vyrabaŭ. Varta adznačyć, što ałkahol i tytuniovyja vyraby mohuć uvozić tolki paŭnaletnija hramadzianie.

Mytnaje dekłaravańnie tavaraŭ dla asoby, jakaja nie dasiahnuła šasnaccacihadovaha ŭzrostu, robicca asobaj, jakija supravadžajuć jaho (adnym z baćkoŭ, usynavicielem, apiekunom abo papiačycielem hetaj asoby, inšaj asobaj, jakaja jajeho supravadžaje, ci pradstaŭnikom pieravozčyka pry adsutnaści supravadžalnych asob, a pry arhanizavanym vyjeździe (ŭjeździe) hrupy niepaŭnaletnich asob biez supravadžeńnia baćkoŭ, usynavicielaŭ, apiekunoŭ ci papiačycielaŭ, inšych asob — kiraŭnikom hrupy abo pradstaŭnikom pieravozčyka).

Na hramadzian jakich dziaržaŭ raspaŭsiudžvajucca limity?

Pytańnie: A jak buduć pierasoŭvacca praź biełaruskuju miažu rasiejcy, kazachi: pa ŭkazie abo pa pahadnieńni ŭ MS?

— Abmiežavańni raspaŭsiudžvajucca na fizičnych asob niezaležna ad ich hramadzianstva.

«Mytniaj budzie ŭličvacca kožnaje pierasiačeńnie miažy, a nie ŭvoz tavaraŭ»

Pytańnie: Z 14 krasavika pačynajuć dziejničać abmiežavańni na ŭvoz tavaraŭ dla biełarusaŭ, jakija buduć pierasiakać miažu čaściej za adzin raz u try miesiacy. Adlik 3 miesiacaŭ pačniecca z 14 krasavika? Ci buduć uličvacca pajezdki da hetaj daty?

— Novyja limity buduć prymianiacca z 14 krasavika, adlik troch kalandarnych miesiacaŭ pačynajecca z dadzienaj daty. Pajezdki, zroblenyja da ŭstupleńnia novych praviłaŭ, naprykład, 5 krasavika, nie buduć uličvacca pry padliku novych limitaŭ.

Naprykład, kali fizasoba ŭviazie tavar dla asabistaha karystańnia 14 krasavika, to ŭ nastupny raz jana zmoža ŭvieści tavar biez prymianieńnia novych limitaŭ (300 jeŭra i 20 kiłahramaŭ) paśla 1 lipienia.

Supracoŭnikami mytni budzie ŭličvacca kožnaje pierasiačeńnie fizasobaj biełaruskaha ŭčastka źniešniaj miažy JEAES (za vyklučeńniem pavietranaha transpartu), a nie ŭvoz tavaraŭ. Pryčym prymajecca pad uvahu nie data vyjezdu, a data ŭjezdu.

Pytańnie: Ci buduć uvachodzić u abmiežavańni (nie bolš za 300 jeŭra) tavary, nabytyja ŭ kramach duty free?

— Tavary, nabytyja ŭ mahazinach biaspošlinnaha handlu, buduć uličvacca pry vyznačeńni koštu i vahi tavaraŭ.

Daviedka. Mytny zbor składaje 20 i 50 jeŭra ŭ zaležnaści ad hrupy tavaru. Da prykładu, zbor u 20 jeŭra treba zapłacić za pravoz praduktaŭ žyviolnaha i raślinnaha pachodžańnia, hatovych charčovych praduktaŭ, ałkaholnych i biezałkaholnych napojaŭ, tytuniu, farmaceŭtyčnaj pradukcyi, tavaraŭ sa skury, tekstylnych vyrabaŭ, abutku i inšych tavaraŭ.

Maksimalny zbor u 50 jeŭra pryjdziecca zapłacić, da prykładu, za pramysłovyja tavary (cacki, mebla, paścielnyja prynaležnaści, lampy i aśviatlalnaje abstalavańnie i inšaje), tvory mastactva, pradmiety kalekcyjavańnia i antykvaryjat, žemčuh pryrodny abo kultyvavany, kaštoŭnyja abo napaŭkaštoŭnyja kamiani; mašyny i inšyja tavary.

Pra kamandziroŭki

Pytańnie: Da prykładu, 1 maja viartajusia z kamandziroŭki, ničoha z saboj nie ŭvožu. 15 maja znoŭ vyjazdžaju za miažu i, viartajučysia, viazu z saboj tufli koštam 350 jeŭra. Ci budzie ŭličvacca toj fakt, što pry pieršym pierasiačeńni miažy ja ničoha nie ŭvoziła, abo aŭtamatyčna ja pavinna budu zapłacić pošlinu, i ź jakoj sumy jana budzie raźličana?

— Niezaležna ad taho, pa jakoj pryčynie hramadzianin vyjazdžaje za miažu (kamandziroŭka, padarožža, šop-tur, naviedvańnie svajakoŭ i da t.p.), pry ŭvozie tavaraŭ čaściej za adzin raz u try miesiacy da tavaraŭ dla asabistaha karystańnia buduć adniesienyja tavary na sumu nie bolš za 300 jeŭra i vahoj nie bolš za 20 kiłahramaŭ.

Pry pieravyšeńni limitaŭ tavar nie budzie adniesieny da tavaraŭ dla asabistaha karystańnia, u takim vypadku jon padpadzie pad mytnaje dekłaravańnie, jaho treba zadekłaravać.

Paŭtorym, što supracoŭniki mytni buduć uličvać kožnaje pierasiačeńnie fizasobaj biełaruskaha ŭčastka źniešniaj miažy JEAES (za vyklučeńniem pavietranaha transpartu), a nie ŭvoz tavaraŭ. Praściej kažučy, kamandziroŭka taksama budzie ŭličvacca pry padliku limitaŭ na tavary.

Pra padarunki

Pytańnie: Ja jezdžu za miažu nie čaściej 1 razu ŭ hod. Jedu ŭ kancy krasavika ŭ Hrecyju dla znajomstva sa svajakami majoj dački, jana ŭ Hrecyi vyjšła zamuž. Ci zmahu ja dla siabie nabyć futra i nie płacić padatki, bo jano, naturalna, budzie kaštavać bolš za 300 dalaraŭ? I kali mnie (raptam) dačka zachoča jaho padaryć, to zmahu ja jaho taksama pravieźci biez vypłaty padatkaŭ i jakija dakumienty pry hetym patrebnyja? Dziakuj.

— Normy biaspošlinnaha ŭvozu tavaraŭ u 1500 jeŭra i 50 kh praciahvajuć dziejničać, kali vy ŭvozicie tavary nie čaściej za adzin raz u try miesiacy niezaležna ad taho, byli nabytyja rečy ci atrymanyja ŭ padarunak.

• 0
• 0
• 0
• 0
• 0
• 0
• 0
• 0