Uvoz tavaraŭ zvyš 300 jeŭra čaściej čym raz na kvartał budzie abkładacca mytnymi płaciažami. Heta praduhledžana ŭkazam №40, jakim uniesieny źmieny va ŭkaz №360 ad 21 lipienia 2014 hoda »Ab pieramiaščeńni praz mytnuju miažu Mytnaha sajuza ŭ Respublicy Biełaruś tavaraŭ dla asabistaha karystańnia», jaki siońnia ŭstupaje ŭ siłu.
Ukazam uniesieny źmieny ŭ paradak pieramiaščeńnia tavaraŭ dla asabistaha karystańnia praz aŭtamabilnyja i čyhunačnyja punkty propusku. Dziejučaja norma ŭ 1,5 tys. jeŭra i 50 kh biaspošlinnaha ŭvozu zastajecca dziejničać, ale kali hramadzianie buduć pierasiakać miažu čaściej jak raz na try miesiacy, to tavary sumaj zvyš 300 jeŭra nie buduć pryznavacca mytnymi orhanami tavarami dla asabistaha karystańnia, a, takim čynam, buduć abkładacca mytnymi płaciažami.
Zhodna z vynikami abśledavańnia fizičnych asob u aŭtadarožnych punktach propusku na miažy Biełarusi, praviedzienaha Nacyjanalnym statystyčnym kamitetam i Dziaržaŭnym mytnym kamitetam u 2015 hodzie, bolš za 70% respandentaŭ pakazali sumu raschodaŭ pry pajezdcy za miažu da 300 jeŭra.
Pałažeńni ŭkaza nie buduć prymianiacca ŭ dačynieńni da asobnych katehoryj tavaraŭ, ryzyka ŭvozu jakich u kamiercyjnych metach minimalnaja. Havorka idzie pra tavary, što ŭvoziacca pavietranym transpartam, supracoŭnikami dypłamatyčnych pradstaŭnictvaŭ i konsulskich ustanoŭ, a taksama tavaraŭ, uviezienych raniej i što ŭvoziacca fizičnymi asobami nazad.
Taksama ad siońnia pačynajecca dziejničać norma nakont mižnarodnych pasyłak. Ciapier jany abmiežavanyja 22 jeŭra i 10 kh.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary