Hałoŭny redaktar rasijskaha radyjo «Komsomolskaja pravda» Jaŭhien Arsiuchin adchiliŭ abvinavačvańni ŭ tym, što abraziŭ invalidaŭ, napisaŭšy kałonku, dzie invalidy nazvanyja «defiektnymi asobinami», jakija pavinny «adrazu pamierci» i «nie dać naščadkaŭ».
«Ja prosta nie liču, što kahości pakryŭdziŭ. Tekst ciažki, moža być, składany dla internet-aŭdytoryi. Ale nazyvać mianie fašystam — heta ŭžo zanadta. U mianie ž dziady vajavali», - skazaŭ Arsiuchin u kamientary «Mieduzie».
«Niejkaje vydańnie napisała, što ja naohuł žadaju im śmierci, ale heta nie tak. U fejsbuku mnie napisaŭ tavaryš, što ja daju invalidam miesca tolki ŭ mastactvie, paezii i muzycy. Naadvarot, u kałoncy ja mieŭ na ŭvazie, što dziakujučy ludziam ź invalidnaściu ŭ nas jość šedeŭry ŭ hetych abłaściach», — patłumačyŭ Arsiuchin.
Kałonka Arsiuchina była napisana z nahody vizitu ŭ Rasiju aŭstralijca Nika Vujčyča, hramadskaha dziejača i piśmieńnika, jaki naradziŭsia biez ruk i noh. U kamientary «Mieduzie» Arsiuchin nazvaŭ Vujčyča «hienijem, čałaviekam na ŭzroŭni Hamiera». «Ja navat vioŭ pieramovy ź jaho kamandaj, chacieŭ, kab jon u nas u efiry vystupiŭ. Kali jon paličyć, što kałonka jaho abražaje, ja vielmi zasmučany. Kali jon zachoča, kab ja paprasiŭ prabačeńnia - ja heta zrablu», — paabiacaŭ Arsiuchin.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary