Kiraŭnik MZS Polščy zajaviŭ, što Jeŭraźviaz pavinien prapanavać novuju indyvidualnuju prahramu kožnaj dziaržavie z «Uschodniaha partniorstva».
Ministr zamiežnych spraŭ Polščy Vitald Vaščykoŭski miarkuje, što Jeŭrapiejski Sajuz pavinien zadumacca pra budučyniu prahramy «Uschodniaje partniorstva», piša wPolityce.
«Nam treba padumać, što zrabić z šaściu dziaržavami, status jakich vielmi rozny. Try dziaržavy padpisali pahadnieńni ab asacyjacyi ź Jeŭrapiejskim Źviazam, jany pavolna ŭvodziacca ŭ dziejańnie. A jašče try dziaržavy — u časovaj niavyznačanaści. My pavinny vyznačycca, ci hetuju prahramu padzialić, ci zachavać, ci indyvidualna dla kožnaha ŭdzielnika prapanavać niejkuju prahramu supracoŭnictva», — adznačyŭ kiraŭnik polskaj zamiežnapalityčnaj ustanovy.
Prahrama «Uschodniaje partniorstva» była pryniataja Jeŭrasajuzam u 2008 hodzie dla raźvićcia intehracyjnych suviaziaŭ ES z Ukrainaj, Małdovaj, Azierbajdžanam, Armienijaj, Hruzijaj i Biełaruśsiu. Aŭtarami prajekta źjaŭlalisia kiraŭnika MZS Polščy i Šviecyi Radasłaŭ Sikorski i Karł Bilt.
U sakaviku 2015 hoda kiraŭnik MZS Aŭstryi Siebaścijan Kurc zajaviŭ, što Viena budzie patrabavać pierahledzieć prahramu «Uschodniaje partniorstva» i palityku susiedstva Jeŭrasajuza ŭ suviazi z kanfliktam va Ukrainie.
Pra patrebu pierahladu prahramy «Uschodniaha partniorstva», jakaja «paciarpieła fijaska», Vaščykoŭski zajaŭlaŭ jašče ŭ studzieni 2016 hoda.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary