Maładyja ludzi doŭhi čas źbirali hrošy na ŭłasnaje viasielle, a siabra pryjechaŭ u hości i skraŭ ŭsie ich źbieražeńni. Adnak supracoŭniki Pieršamajskaha RUUS znajšli jaho. Chłopiec źjaviŭsia ŭ rajonnym upraŭleńni z pakajańniem dy viarnuŭ skradzienaje.
26-hadovy hruzčyk z Bresckaj vobłaści pryjechaŭ u stalicu pahaścić u siabra i jaho dziaŭčyny. Pakul tyja byli na pracy, chłopiec pačaŭ ahladać kvateru. Adčyniŭšy šafu, małady čałaviek ubačyŭ kanviert, jaki lažaŭ u cełafanavym pakiecie. Adkryŭšy jaho, jon ubačyŭ dalary ZŠA (3 200). Znachodku pakłaŭ u svaju kurtku.
Viarnuŭšysia z pracy, haspadary vyrašyli pieraličyć hrošy, ale kanvierta ŭ patajemnym miescy nie vyjavili. Pakul maładaja para šukała hrošy, złamyśnik vyrašyŭ vyjści na vulicu pakuryć i schavać hrošy. Kanviert jon usunuŭ u bakavuju kišeniu aŭtamabilnych dźviarej, a na nastupny dzień i zusim pakinuŭ stalicu. Chłopiec i dziaŭčyna źviarnulisia pa dapamohu ŭ milicyju.
U chodzie praviadzieńnia apieratyŭna-vyšukovych mierapryjemstvaŭ supracoŭnikami adździeła kryminalnaha vyšuku Pieršamajskaha RUUS h. Minska było ŭstanoŭlena miescaznachodžańnie maładoha čałavieka. Ź im milicyjanty źviazalisia pa telefonie i paprasili pryjechać u Minsk dla razboru, na što małady čałaviek skazaŭ, što hrošaj nijakich nie braŭ i nikudy nie pajedzie. Adnak na nastupny dzień jon źjaviŭsia ŭ RUUS z pakajańniem i viarnuŭ usie skradzienyja hrošy.
Pieršamajskim (h. Minska) rajonnym adździełam Śledčaha kamiteta raspačata kryminalnaja sprava pa č.3 art.205 ( «Kradziež») Kryminalnaha kodeksa Respubliki Biełaruś. Pravodzicca rasśledavańnie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary