Prezident ZŠA Barak Abama ŭ telefonnaj razmovie sa svaim rasijskim kaleham Uładzimiram Pucinym padziakavaŭ jamu za dapamohu ŭ vyzvaleńni ŭ Siryi amierykanskaha hramadzianina Kievina Doŭsa.
10 krasavika siamja amierykanskaha fatohrafa-fryłansiera Kievina Patryka Doŭsa zajaviła, što ŭdziačnaja ŭradam ZŠA, Rasii i Čechii za namahańni, nakiravanyja na jaho vyzvaleńnie z-za krataŭ u Siryi.
Za dzień da hetaha ŭ administracyi Baraka Abamy admovilisia kamientavać infarmacyju pra toje, što jon prasiŭ rasiejskaha lidara Uładzimira Pucina dapamahčy ŭ vyzvaleńni Doŭsa uradam Siryi. Pry hetym u Biełym domie padziakavali Maskvie za akazanaje sadziejničańnie. «My vitajem naviny pra toje, što hramadzianin ZŠA byŭ vyzvaleny siryjskimi ŭładami», — skazała namieśnik pres-sakratara Biełaha doma Dženifier Frydmen. U toj ža čas jana dadała, što «nie moža kamientavać kankretnyja razmovy» prezidenta Złučanych Štataŭ ź lidarami inšych krain.
1 krasavika Doŭs byŭ dastaŭleny ŭ Maskvu rasijskim vajenna-transpartnym samalotam i pieradadzieny amierykanskim dypłamatam, paśla čaho pakinuŭ terytoryju RF. Mužčyna pierastaŭ vychodzić na suviaź u 2012 hodzie. U Damasku śćviardžajuć, što jon nielehalna pierasiok turecka-siryjskuju miažu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary