Prezident Isłandyi Oŭłaviur Rahnar Hrymsan abviaściŭ, što maje namier u červieni pajści na šosty termin zapar.
Na śpiecyjalnaj pres-kanfierencyi jon nahadaŭ, što nie źbiraŭsia vyłučać svaju kandydaturu. Adnak, pavodle słoŭ prezidenta, pad ciskam hramadskaści jon vyrašyŭ pierahledzieć svaju pazicyju na hety kont.
Oŭłaviur śćviardžaje, što samyja roznyja ludzi apošnim časam źviartalisia da jaho z prośbaj znoŭ bałatavacca ŭ prezidenty, bo bajacca, što źmiena prezidenta nieŭzabavie paśla adstaŭki premjera šturchanie krainu ŭ palityčny kryzis.
Premjer-ministr Isłandyi Sihmiundziur David Hiunlojhsan syšoŭ u adstaŭku ŭ pačatku krasavika. Nahodaj stali tak zvanyja «panamskija dakumienty». U ich kazałasia, što premjer i jaho žonka nie zadekłaravali svaju afšornuju firmu.
Prezidenckija vybary pryznačanyja ŭ Isłandyi na červień.
Akramia Oŭłaviura na pasadu kiraŭnika dziaržavy pretendujuć jašče bolš za dziesiać čałaviek. Pry hetym u krainie niama abmiežavańniaŭ na kolkaść prezidenckich terminaŭ adnaho čałavieka, što dazvoliła Oŭłaviuru zastavacca niaźmiennym kiraŭnikom dziaržavy sa žniŭnia 1996 hoda.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary