Škłozavod «Jalizava» pryznany bankrutam

Ekanamičny sud Mahiloŭskaj vobłaści pryznaŭ bankrutam i adkryŭ likvidacyjnuju vytvorčaść u dačynieńni da biełaruska-aŭstryjskaha sumiesnaha zakrytaha akcyjaniernaha tavarystva «Škłozavod «Jalizava».

Nahadajem, 12 studzienia ekanamičny sud pačaŭ konkursnuju vytvorčaść u dačynieńni da škłozavoda. A ŭžo 12 krasavika pradpryjemstva było pryznana bankrutam.

Asnoŭny faktar bankructva zavoda — vysoki košt enierhanośbitaŭ, zajaviŭ BiełaPAN kiraŭnik likvidacyjnaj vytvorčaści «Jalizava» Mikałaj Šaŭkunoŭ. «Kali supastaŭlać haz u Rasii, u Smalensku, to tam 80—120 dołaraŭ za tysiaču kuboŭ, u nas — 279 dołaraŭ. Heta značyć niekankurentazdolnaść pradpryjemstva», — adznačyŭ jon.

Taksama, pavodle słoŭ kiraŭnika, admoŭnuju rolu adyhrała znachodžańnie pad śledstvam pradstaŭnika ŭładalnika škłozavoda Alaksandra Muraŭjova, jaki byŭ letaś zatrymany pa spravie «Motavieła».

Adnak, niahledziačy na ciapierašniaje bankructva škłozavoda, Mikałaj Šaŭkunoŭ upeŭnieny ŭ pierśpiektyvach jaho raźvićcia, pašyreńnia i narmalnaha funkcyjanavańnia, jakija adbuducca paśla źmieny ŭładalnika. «Zavod pracavaŭ i budzie pracavać. Mała taho, budzie pašyracca vytvorčaść — adkryvacca čaćviorty cech. Pradpryjemstva čakaje źmiena ŭłaśnika. Jano budzie pracavać, kalektyŭ budzie pracavać. Zvalnieńniaŭ nie było, nie budzie, a budzie pryjom novych pracaŭnikoŭ», — zajaviŭ jon, adznačyŭšy, što ŭ dadzienym vypadku pracedura bankructva ź`iaŭlajecca svajho rodu vyzvaleńniem ad prablem.

Kiraŭnik pierakanany, što prablemu vysokaha koštu na enierhanośbity ŭdasca vyrašyć mienavita pašyreńniem vytvorčaści, jakoje dazvolić zrabić rentabielnaść pradpryjemstva vyšejšaj za 10%.

Zhodna z rašeńniem suda, likvidacyjnaja vytvorčaść na škłozavodzie «Jalizava» pavinna zaviaršycca da 12 krasavika 2017 hoda.

Pavodle dadzienych departamienta pa sanacyi i bankructvie Ministerstva ekanomiki, škłozavod na praciahu 2014 hoda — pieršaj pałovy 2015 hoda atrymaŭ čystuju stratu zvyš 360 młn. rubloŭ. Akramia taho, pa dakumientach, pradstaŭlenych sudu ŭ studzieni, kredytorskaja zapazyčanaść pradpryjemstva składała 598 młrd. rubloŭ, ź ich kala 350 młrd. rubloŭ — zapazyčanaść pa kredytach i pazykach, astatniaje — zapazyčanaść pierad inšymi kredytorami. Zapazyčanaść pa abaviazkovych płaciažach i zarabotnaj płacie adsutničała.

• 0
• 0
• 0
• 0
• 0
• 0
• 0
• 0