Bolš za 200 čałaviek atrymali ranieńni ŭ vyniku vybuchu ŭ centry Kabuła i byli dastaŭleny ŭ balnicy, paviedamiŭ pradstaŭnik ministerstva achovy zdaroŭja Afhanistana Machamad Ismaił Kavasi.
Dakładnaja kolkaść zahinułych zastajecca nieviadomaj. Pa słovach pradstaŭnika ministra ŭnutranych spraŭ Afhanistana Siedzika Siedziki zahinuli niekalki dziasiatkaŭ čałaviek.
Siedziki taksama paviedamiŭ, što śmiarotnik padarvaŭ aŭtamabil. Jon dadaŭ, što dvoje saŭdzielnikaŭ napadnika, mahčyma, jašče akazvajuć supraciŭ. Paviedamlajecca, što ŭ rajonie zdareńnia čutnaja stralanina.
Raniej paviedamlałasia, što vybuch adbyŭsia paśla taho jak troje ŭzbrojenych ludziej uvajšli va ŭradavy budynak u centry horada, jakoje vykarystoŭvajecca adnoj ź miascovych śpiecsłužbaŭ. Paviedamlajecca, što ŭ vyniku vybuchu byli vybityja šyby ŭ susiednich budynkach, a huk ad vybuchu byŭ čutny va ŭsim horadzie.
Napad adbyŭsia ŭ ranišni čas pik u rajonie, niepadalok ad jakoha znachodzicca ministerstva abarony krainy i vajskovyja kompleksy.
Adkaznaść za napad uziaŭ na siabie ekstremiscki ruch Taliban.
Vybuch zdaryŭsia praź niekalki dzion, paśla taho jak afhanskija taliby abviaścili pra pačatak viasnovaha nastupu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary