Hałoŭnaja zadača dla pašyreńnia ŭpłyvu na rynkach — heta źnižeńnie sabiekoštu pradukcyi, zajaviŭ siońnia staršynia Savieta Respubliki Michaił Miaśnikovič na pasiadžeńni prezidyuma Savieta Respubliki ŭ Nacyjanalnaj akademii navuk.
«Źnizić sabiekošt i za košt źnižeńnia koštaŭ pašyryć svaju śfieru ŭpłyvu na rynkach, u tym liku i tradycyjnych, — heta hałoŭnaja zadača», — skazaŭ Michaił Miaśnikovič. Jon źviarnuŭ uvahu, što pakul sabiekošt u pramysłovym siektary raście.
Śpikier taksama akcentavaŭ uvahu, što na takim tradycyjnym rynku, jak Rasija, rastuć abjomy miascovaj vytvorčaści niekatoraj pradukcyi, jakuju tudy ekspartuje Biełaruś. U tym liku heta tyčycca miasa, tkanin, chimičnych nitak i vałoknaŭ. Biełaruskim vytvorcam treba źviarnuć na heta ŭvahu, skazaŭ jon.
«Biezumoŭna, ekspart treba naroščvać i ŭ krainy dalokaj duhi, heta značyć u afrykanski, łacinaamierykanski rehijony, u krainy Paŭdniova-Uschodniaj Azii. Ale heta zojmie čas, adrazu hetaha nie adbudziecca», - zaŭvažyŭ Michaił Miaśnikovič.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary