Vypadak adbyŭsia ŭ Vałožynie sioleta na pačatku lutaha. Raspaviała pra jaho śledčaja Vałožynskaha RASK Darja Mikulič.
32-hadovy vałožyniec pryjšoŭ da znajomaha pazyčyć ałkahol. Kali jamu admovili, mužčyna nie prydumaŭ ničoha lepšaha, jak skraści ŭ haspadara kurtki. Jon viedaŭ, što haspadar zachoŭvaje ich u siabie ŭ padvale.
Zabraŭšy rečy, mužčyna vyrašyŭ daloka nie chadzić u pošukach pakupnika. Jon znoŭ źviarnuŭsia da hetaha svajho znajomaha i prapanavaŭ jamu kupić kurtki za ałkahol. Toj asabliva nie razhladaŭ, što nabyvaje, pahadziŭsia i daŭ śpirtnoje.
Na nastupny dzień jon zaŭvažyŭ, što z padvała źnikli rečy. Tady jon ahledzieŭsia i zrazumieŭ, što kupiŭ ułasnyja kurtki.
Paciarpiełamu 72 hady.
Abvinavačany raniej pryciahvaŭsia da adkaznaści za niavypłatu alimientaŭ. Kryminalnaja sprava nakiravanaja ŭ sud.
Pravodzicca pravierka ŭ adnosinach da paciarpiełaha pa fakcie prodažu ałkaholu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary