Biaśpieka źjaŭlajecca hałoŭnym pryjarytetam pry budaŭnictvie Biełaruskaj AES. Pra heta zajaviŭ Alaksandr Łukašenka siońnia na sustrečy z hienieralnym dyrektaram Mižnarodnaha ahienctva pa atamnaj enierhii (MAHATE) Jukija Amana.
Kiraŭnik dziaržavy padkreśliŭ vialikaje značeńnie, jakoje ŭ Biełarusi nadajuć vizitu hiendyrektara MAHATE, asabliva raźvićciu ŭ krainie śfiery mirnaha atama i budaŭnictva ŭłasnaj AES.
«Ja byŭ by vielmi zacikaŭleny, kab vy asabista pabyvali na budoŭli i pierakanalisia ŭ tych pryjarytetach, jakija my stavim sabie pry budaŭnictvie atamnaj elektrastancyi. Heta pierš za ŭsio biaśpieku AES. Usie krainy, jakija majuć technałohii pa budaŭnictvie atamnych stancyj, zrabili adpaviednyja vysnovy nie tolki z vynikaŭ čarnobylskaj katastrofy, ale i ŭ suviazi z katastrofaj na AES «Fukusima». Tamu my prytrymlivajemsia pierš za ŭsio hetaha pryjarytetu (biaśpieki) pry budaŭnictvie», - zajaviŭ Alaksandr Łukašenka.
Prezident taksama padkreśliŭ, što vialikaja ŭvaha Biełaruś nadaje padrychtoŭcy vysokaprafiesijnaha piersanału dla absłuhoŭvańnia AES. «My niamała zrabili dla hetaha. My ich navučali, źbirali pa ŭsim śviecie. Stvaryli vielmi sučasny vučebna-trenirovačny centr. I my hatovyja i dalej u ciesnym kantakcie pracavać z vašaj arhanizacyjaj, vykonvajučy ŭsie vašy rekamiendacyi», - adznačyŭ biełaruski lidar.
Alaksandr Łukašenka harantavaŭ i nadziejnaść zachoŭvańnia ŭ Biełarusi jadziernych materyjałaŭ. «My budziem rabić usio dla taho, kab była ich poŭnaja abaronienaść, kab kamuści navat u hałavu nie pryjšło, što možna zavałodać padobnymi jadziernymi materyjałami ŭ metach niejkaj terarystyčnaj dziejnaści, - skazaŭ kiraŭnik dziaržavy.— Vy možacie być absalutna ŭpeŭnieny ŭ našaj nadziejnaści».
Biełaruski lidar taksama ŭ cełym vykazaŭ zadavolenaść biełaruskaha boku ŭzroŭniem supracoŭnictva z MAHATE i asabista z hiendyrektaram ahienctva Jukija Amana. «My zrobim usio dla taho, kab vaša aktyŭnaja dziejnaść praciahvałasia na karyść usiaho čałaviectva», - reziumavaŭ Alaksandr Łukašenka.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary