U apošniaje dziesiacihodździe čałaviectva dasiahnuła vielizarnaha prahresu ŭ śfiery bijałahičnych navuk. Hienietyka, zdajecca, pieražyła ŭ hetym najbolš imklivaje raźvićcio.
Dadzienyja mnohich hienietyčnych daśledavańniaŭ užo siońnia ŭvajšli ŭ miedycynskuju praktyku i vykarystoŭvajucca dla dyjahnostyki i praduchileńnia roznych zachvoravańniaŭ i patałohij. Novy ŭzrovień raźvićcia miedycyny, z adnaho boku, značna palapšaje žyćcio čałavieka, stvaraje dla jaho novyja mahčymaści. Hienietyčnyja daśledavańni dazvalajuć lepš zrazumieć i vypravić tyja funkcyi, jakija «sapsavalisia» pry hienietyčnych chvarobach. Ale nakolki biaskryŭdnaj adnosna pryrody čałavieka, jaho sutnaści moža być takaja dziejnaść? Tut paŭstaje mnostva pytańniaŭ etyčnaha i fiłasofskaha charaktaru.
Kali čałaviek atrymaŭ mahčymaść źmianiać svaju pryrodu, karektavać jaje pamyłki, to dzie taja miaža, jakuju nielha pierastupić?
Ci zaŭsiedy patrebna čałavieku i tym, chto pobač ź im, viedać pra mahčymyja hienietyčnyja chvaroby?
Pra hetyja i inšyja pytańni razvažaje padčas publičnaj pramovy Nina Danilenka, kandydat bijałahičnych navuk, dacent, viadučy navukovy supracoŭnik łabaratoryi niechramasomnyj spadčynnaści Instytuta hienietyki i cytałohii NAN Biełarusi.
Lekcyja «Prahres hienietyki: novyja šlachi da zdaroŭja i novyja prablemy etyki» adbudziecca 26 krasavika ŭ miežach cykła «Ujaŭlajučy Biełaruś: idei i vobrazy dla supolnaj budučyni», jaki arhanizujuć Latučy ŭniviersitet i Centr jeŭrapiejskaj transfarmacyi. U asnovu lekcyi pakładzieny ŭłasny dośvied pramoŭcy ŭ halinie daśledavańniaŭ pa hienietycy parušeńnia słychu ŭ niemaŭlat.
Lekcyja budzie prachodzić u kreatyŭnaj prastory «CECH» (vuł. Kastryčnickaja, 16), pačatak a 18.30. Uvachod volny!
Za anonsami nastupnych lekcyj sačycie na sajcie latučaha ŭniviersiteta.
X
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary