Łukašenka: U pytańni kantrolu za internetam nie pavinna być nacyjanalnaha ehaizmu
Biełaruś padtrymlivaje ideju stvareńnia novaha hłabalnaha miechanizmu rehulavańnia sietki Internet. Heta pytańnie abmiarkoŭvałasia na sustrečy Alaksandra Łukašenki z hienieralnym sakratarom Mižnarodnaha sajuza elektrasuviazi Chaŭliniem Čžao.
«My absalutna pierakananyja, što ŭ płanie kantrolu za internetam nie pavinna być niejkaha nacyjanalnaha ehaizmu. Heta vielmi važnaja śfiera pavinna kantralavacca mižnarodnymi arhanizacyjami, vašaj arhanizacyjaj z ulikam užo dasiahnutaha dośviedu», — zajaviŭ kiraŭnik krainy.
Alaksandr Łukašenka adznačyŭ, što Biełaruś aktyŭna idzie pa šlachu raźvićcia infarmacyjna-kamunikacyjnych technałohij. U hetym kirunku za apošnija hady realizavany šerah bujnych prajektaŭ. U ich liku IPTV, pavyšeńnie ŭzroŭniu praniknieńnia sietki Internet praktyčna da 70%, zapusk sistemy suviazi čaćviortaha pakaleńnia, a taksama ŭłasnaha spadarožnika suviazi.
«Heta pašyryć našy mahčymaści ŭ śfiery infarmacyjna-kamunikacyjnych technałohij. My pastavili pierad saboj vielmi ambicyjnyja zadačy, asabliva ŭ płanie raźvićcia šyrokapałosnych sietak dostupu ŭ internet», - adznačyŭ biełaruski lidar.
Kiraŭnik dziaržavy taksama padkreśliŭ, što ŭ ramkach pracesu debiurakratyzacyi ŭ Biełarusi aktyŭna realizujecca prajekt pa stvareńni tak zvanaha elektronnaha ŭrada. Pastaŭlena zadača pierachodu da ličbavaj ekanomiki, zasnavanaj na infarmatyzacyi ŭsich śfier žyćcia čałavieka i hramadstva ŭ cełym.
«My hatovyja bolš efiektyŭna supracoŭničać z vami ŭ płanie raźvićcia novych standartaŭ suviazi, hatovy vieści baraćbu, što i robim, suprać šeraha trafiku. I ŭžo niamała zrabili ŭ hetym napramku», — zajaviŭ Alaksandr Łukašenka.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary