Udzielniki akcyi ŭskłali da aharodžy jamy, na miescy jakoj stajaŭ pomnik, šmat ciulpanaŭ i raźviesili na aharodžy fatahrafii pomnika kłasiku biełaruskaj litaratury.
Udzielniki akcyi arhanizavali kala aharodžy pierformans z čytańniem vieršaŭ Maksima Bahdanoviča i vykanańniem muzyčnych tvoraŭ na dudzie.
Jak adznačaje BiełaPAN, supracoŭniki milicyi ŭ cyvilnym papiaredzili adnaho z arhanizataraŭ akcyi aktyvista Partyi BNF pa kultury Franka Viačorku, što akcyja nie sankcyjanavanaja. Adnak ułasna šeściu milicyjanty nie pieraškadžali.
Nahadajem, što pomnik znachodziŭsia na terytoryi parka kala budynka Nacyjanalnaha akademičnaha Vialikaha teatra opiery i baleta, prylehłaj da vulicy Janki Kupały. Pieranos 21 sakavika sankcyjavaŭ prezident. Płanujecca, što paźniej pomnik pastaviać na terytoryi parka, prylehłaha da teatra ź vidam na vulicu Maksima Bahdanoviča.