Viber zapuściŭ šyfravańnie pierapisak i «sakretnyja čaty»
«Schavanyja Čaty» dazvalajuć schavać z asnoŭnaha ekrana peŭnyja čaty, pra isnavańnie jakich budzie viedać tolki karystalnik. Hetyja čaty buduć dastupnyja tolki pry ŭviadzieńni čatyrochznačnaha PIN-koda, zabiaśpiečvajučy tym samym dadatkovy ŭzrovień pryvatnaści dla pryvatnych paviedamleńniaŭ karystalnikaŭ.
Karystalniki ciapier buduć mieć mahčymaść chavać peŭnyja pryvatnyja abo hrupavyja čaty z ekrana 'čaty' tak, što nichto nie daviedajecca pra ich isnavańnie, i dostup da ich budzie ažyćciaŭlacca z dapamohaj čatyrochznačnaha PIN-koda. Karystalniki mohuć schavać čat, nacisnuŭšy na infarmacyjnaje akno kankretnaha čata. Zatym budzie zapytany čatyrochznačny PIN-kod abo adbitak palca (mahčymaść dla karystalnikaŭ iOS). Karystalnikam buduć prychodzić apaviaščeńni pra paviedamleńni ŭ schavanych čatach, nie adlustroŭvajučy pry hetym ni tekst paviedamleńnia, ni jaho adpraŭnika. Heta nie dvunakiravanaja opcyja — kali adzin udzielnik čata jaho chavaje, u inšaha ŭdzielnika nijakich źmienaŭ nie adbyvajecca.
Taksama pradstaŭniki kampanii raspaviali pra ŭviadzieńnie end-to-end šyfravańnia pierapisak u hrupavych i pryvatnych čatach dla klijentaŭ servisu. Dla ŭsich karystalnikaŭ šyfravańnie budzie zapuščana na praciahu niekalkich tydniaŭ, jano źjavicca ŭ viersii miesiendžara Viber 6.0.
Kampanija ŭviadzie śpiecyjalnyja abaznačeńni dla adlustravańnia ŭzroŭniu abarony: naprykład, zamok šeraha koleru ŭ aknie čata pakaža, što paviedamleńni zašyfravanyja, zialonaha - što kluč aŭtentyfikacyi kantaktu pastajanna kantralujecca, čyrvonaha — što-niebudź surazmoŭca źmianiŭ asnoŭny numar telefona, albo zafiksavana ataka «čałaviek pasiaredzinie».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary