 Albert Chajm |
 Ivan Dziemjaniuk |
 Šandar Kiepira |
 Milivoj Asner |
 Karal Zentaj |
 Michaił Harškoŭ |
1. Doktar Albert Chajm. Miescaznachodžańnie nieviadomaje. U Niamieččynie byŭ abvinavačany ŭ zabojstvie sotniaŭ źniavolenych kanclahieru Mautchaŭzen, dzie pracavaŭi doktaram. U 1962 h., pierad pačatkam pracesu, źnik biaź viestak.
2. Ivan Dziemjaniuk (ZŠA). Ukrainski imihrant. Na dumku ŭładaŭ ZŠA, byŭ achoŭnikam u kanclahiery. Sam jon heta admaŭlaje. Viadomy pad mianuškaj Ivan Hrozny. U 1986 h. vydadzieny Izrailu, dzie prysudžany da śmiarotnaha pakarańnia jak achoŭnik u Treblincy. U 1993 h. verdykt byŭ admienieny, i jon viarnuŭsia ŭ Štaty. U 2002 h. znoŭ pazbaŭleny amerykanskaha hramadzianstva. Ciapier źbirajecca apratestavać pastanovu amerykanskich uładaŭ ab vysyłcy jaho ŭ Polšču, Niamieččynu ci Ukrainu.
3. Šandar Kiepira (Miadziarščyna). Była madziarski žandar, abvinavačvajecca ŭ zabojstvie 1000 cyvilnych asobaŭ u Sierbii. Šmat hod pravioŭ u Arhientynie, viarnuŭsia ŭ Vuhorščynu ŭ 1996 h. Abvinavačańni adkidaje.
4. Milivoj Asner. Šef palicyi Charvatyi, adkazny za pieraśled i vysyłku ŭ lahiery sotniaŭ habrejaŭ, sierbaŭ i cyhanoŭ. U 2005 h. ułady Charvatyi zapatrabavali jahonaj vydačy, ale ŭłady Aŭstryi admovili, spasłaŭšysia na słaby stan zdaroŭja Asnera.
5. Sojren Kam (Niamieččyna). Były esesaviec, jaki rasšukvajecca ŭładami Danii za zabojstva žurnalista ŭ 1943 h. U 2007 h. sud Bavaryi nakłaŭ veta na vysyłku, zajaviŭšy, što faktaŭ niedastatkova.
6. Hienrych Bojre (Niamieččyna). Žaŭnier Vafen-SS, jaki zabiŭ troch hramadzian Niderlandaŭ. U 1949 h. zavočna prysudžany ŭ Niderlandach da śmiarotnaha pakarańnia, paźniej zamienienaha pažyćciovym źniavoleńniem. Niamieckija ŭłady admovilisia jaho vydać. Ale ciapier znoŭ abvinavačany ŭ zabojstvie prakuraturaj Dortmundu.
7. Karal Zentaj (Aŭstralija). Były madziarski žaŭnier, jaki abvinavačvajecca ŭładami Vuhorščyny ŭ zabojstvie ŭ 1944 h. Petera Bałaša, jaki nie nasiŭ žoŭtaj šaścikancovaj zorki. Admaŭlaje abvinavačańni i sprabuje sarvać ekstradycyju.
8. Michaił Harškoŭ. Ułady ZŠA i habrejskija arhanizacyi śćviardžajuć, što jon byŭ suŭdzielnikam zabojstvaŭ habrejaŭ, bo źjaŭlaŭsia pierakładčykam i śledčym hiestapa ŭ Biełarusi. Pierajechaŭ u Estoniju z ZŠA ŭ 2002 h., napiaredadni pazbaŭleńnia jaho hramadzianstva za chłuśniu pra vajennaje minułaje. Estonskija ŭłady viaduć raśśledavańnie.
9. Ałhimantas Dajlid (Niamieččyna). Słužyŭ u tajnaj litoŭskaj palicyi. U 2006 h. pryznany vinavatym u vybačy habrejaŭ nacystam. Prysudžany da piaci hadoŭ turmy, ale ŭ turmu nia trapiŭ ŭ vyniku słaboha zdaroŭja. U 2003 h. byŭ vysłany z ZŠA ŭ Niamieččynu za iłžyvyja pakazańni imihracyjnym uładam. Žyvie ŭ Niamieččynie, ale dobraachvotna adpraviŭsia ŭ Litvu ŭ sud.
10. Chary Mianił (Venesueła). Były estonski palicejski. U 1990-ch ułady ZŠA, jakija razhladali jaho prośbu pra vizu, pryjšli da vysnovy, što jon maje dačynieńnie da zabojstva sotniaŭ habrejaŭ, i nie dali dazvołu na pryjezd. U 2005 h. estonskija ŭłady apraŭdali jaho.
