U Biełarusi raspracujuć novy zakon u śfiery kantrolu internetu. Pra heta Alaksandr Łukašenka zajaviŭ 21 krasavika, adkazvajučy na pytańni deputataŭ Pałaty pradstaŭnikoŭ. Pierad hetym kiraŭnik dziaržavy vystupiŭ z pasłańniem biełaruskamu narodu i Nacyjanalnamu schodu.
«My chočam, kab internet kantralavaŭsia niejkaj mižnarodnaj arhanizacyjaj pa peŭnych praviłach. Kali hetaha nie budzie, to kožnaja kraina budzie abaraniać svaje nacyjanalnyja intaresy samastojna. Zaraz Ananič (ministr infarmacyi) dy inšyja zajmajucca hetym pytańniem. Na stoł mnie pavinny być pakładzieny zakonatvorčyja inicyjatyvy», — zajaviŭ Łukašenka.
Niekalki dzion tamu kiraŭnik Biełarusi sustrakaŭsia z hienieralnym sakratarom Mižnarodnaha sajuza elektrasuviazi Chaŭliniem Čžao. Padčas sustrečy jon paviedamiŭ, što Biełaruś vystupaje za stvareńnie novaha hłabalnaha miechanizmu dla rehulavańnia internetu. Na dumku Łukašenki, tut moh by prydacca kitajski dośvied rehulavańnia.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary