Zasnavalnik sacsietki «Fejsbuk» Mark Cukierbierh i jaho žonka Pryscyła Čan, kiraŭnik MVF Kryścin Łahard i akcior Leanarda Dzi Kaprya ŭvajšli ŭ śpis samych upłyvovych ludziej hoda pa viersii časopisa Time.
U štohadovym pieraliku, apublikavanym na sajcie vydańnia, taksama značacca staršynia KNR Si Czińpin, miljarder i pretendent na pasadu prezidenta ZŠA Donald Tramp, prezident Rasii Uładzimir Pucin, kiraŭnik Paŭnočnaj Karei Kim Čen Yn.
Siarod dziejačaŭ mastactva ŭ śpisie pradstaŭlenyja śpiavačka Adel, kinarežysior Alechandra Hansales Ińjarytu, aktrysa Šarliz Teron.
Śpis raźbity na piać častak: «Pijaniery», «Tytany», «Artysty», «Lidary» i «Ikony» — i aŭtary śpisu asobna adznačajuć, što nie sprabujuć paraŭnoŭvać hetych piersanažaŭ pamiž saboj, pakidajučy čytačam samim mierkavać pra značnaść kožnaha ź ich.
Time upieršyniu apublikavaŭ rejtynh 100 samych upłyvovych ludziej śvietu ŭ 1999 hodzie i z taho času publikuje jaho kožny hod. U jaho mohuć uvachodzić nie tolki ludzi, ale taksama roznyja arhanizacyi, abjadnańni i zbornyja vobrazy.
Kamientary