Kiraŭniki MZS krain Paŭnočnaj Jeŭropy, Bałtyi i Vyšahradskaj hrupy zajavili pra nieabchodnaść biez pramarudžvańnia dać prava biaźvizavaha ŭjezdu ŭ ES hramadzianam Ukrainy i Hruzii.
mfa.gov.lv
Pra heta havorycca ŭ sumiesnaj zajavie ministraŭ paśla sustrečy ŭ łatvijskaj Jurmale.
Ministry paćvierdzili hatoŭnaść praciahvać akazvać padtrymku realizacyi dahavoraŭ ab asacyjacyi z Ukrainaj Hruzijaj i Małdovaj, a taksama padkreślili nieabchodnaść raźvićcia supracoŭnictva ź inšymi krainami Uschodniaha partniorstva.
«Ministry adznačyli nieabchodnaść biez pramarudžvańnia dać biaźvizavy režym Hruzii i Ukrainie», — havorycca ŭ zajavie.
U naradzie ministraŭ zamiežnych spraŭ pryniali ŭdzieł kiraŭniki źniešniepalityčnych viedamstvaŭ 12 krain — Danii, Isłandyi, Narviehii, Finlandyi, Šviecyi, Estonii, Łatvii, Litvy, Čechii, Słavakii, Polščy i Vienhryi.
Jak paviedamlałasia, Jeŭrakamisija 20 krasavika abviaściła ab padačy zakanadaŭčaj prapanovy pa vizavaj libieralizacyi dla Ukrainy.
Pracedura padrychtoŭki i razhladu dakumienta ŭ Jeŭraparłamiencie zajmaje nie mienš za miesiac. Paśla ŭchvaleńnia ŭ JEP jon pavinien być zaćvierdžany Radaj ES. Zychodziačy z hetaha hrafika, rašeńnie nabudzie moc tolki ŭletku, aryjentyrovačna — u lipieni.