Pakupnikam elektramabilaŭ u Hiermanii buduć dapłačvać 4000 jeŭra
Urad Niamieččyny praz stymulavańnie kupli «ekałahičnych» aŭto choča davieści ich park u krainie da 500 000 štuk.
Kupcy elektramabilaŭ u Hiermanii ŭ budučyni buduć atrymlivać premiju ŭ 4000 jeŭra, hibrydnych aŭto — 3000. Pra heta ŭ sieradu, 27 krasavika, na pres-kanfierencyi ŭ Bierlinie paviedamiŭ ministr finansaŭ krainy Volfhanh Šojble, ahučyŭšy dasiahnutyja napiaredadni damoŭlenaści padčas sustrečy ŭrada z pradstaŭnikami aŭtavytvorcaŭ.
Vydatki na stymulavańnie kupli aŭtamabilaŭ u abjomie 1,2 miljarda jeŭra padzielać papałam pamiž fiederalnym biudžetam i aŭtavytvorcami. Pa słovach Šojble, vypłačvać premiju pačnuć užo ŭ traŭni — paśla adpaviednaha rašeńnia ŭrada. Prahrama stymulavańnia raźličana da 2019 hoda, adnak va ŭradzie spadziajucca, što pakupniki raniej «asvojać» vydzielenyja srodki. «Chto pryjdzie pieršym, toj i atrymaje premiju», — adznačyŭ Šojble, jakoha cytuje ahienctva dpa.
Nie daražej za 60 000 jeŭra
Premija budzie vypłačvacca tolki pry kupli aŭtamabilaŭ, zajaŭleny košt jakich nie pieravyšaje 60 000 jeŭra, i tolki tych vytvorcaŭ, jakija ŭdzielničajuć u prahramie i płaciać pałovu premii. Najbujniejšyja niamieckija vytvorcy — VW, Daimler i BMW — užo zajavili ab padtrymcy takoha kroku ŭrada i pra svoj udzieł u prahramie.
Jak dadaŭ ministr transpartu FRH Alaksandr Dobrynt, vydzielenych srodkaŭ chopić, kab premiravać kuplu da 400 tys. aŭtamabilaŭ. Urad, pavodle jaho słoŭ, taksama vydzielić 300 młn jeŭra na stvareńnie 15 000 punktaŭ padzaradki elektramabilaŭ.
U 2015 hodzie ŭ Hiermanii naličvałasia kala 25 000 elektramabilaŭ i 130 000 aŭto z hibrydnymi ruchavikami. Pa słovach ministra ekanomiki Hiermanii Zihmara Habryela, z dapamohaj hetaha kroku ŭrad maje namier pieraadoleć paroh u 500 000 zarehistravanych «ekałahičnych» aŭto. Ahulny park lehkavych aŭtamabilaŭ u Hiermanii — kala 45 młn.
* * *
-
Padsankcyjnyja aŭto i hruzaviki ŭsio adno traplajuć u Biełaruś i Rasiju, ale jość niatanny niuans
-
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA
-
Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA
Čatyrochhadovaja Maja Lubimcava, jakuju šukali bolš za sutki, zahinuła
Čatyrochhadovaja Maja Lubimcava, jakuju šukali bolš za sutki, zahinuła
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki3
Kamientary