Finlandyja pačynaje radykalnaje abnaŭleńnie bajavoj avijacyi. Maskvu nie zaprasili
![](http://nnexpictures.fra1.digitaloceanspaces.com/img/w732d4webp1/photos/z_2016_04/finland160428-1crfl.jpg.webp)
Finlandyja płanuje zamianić 61 źniščalnik samalotami adnoj z čatoroch krain, jakija jana zaprasiła da ŭdziełu ŭ maštabnym tendery.
Paŭnočny susied RF prapanavaŭ dałučycca da zmahańnia za kantrakt koštam da $10 miljardaŭ ZŠA (źniščalniki F-35, F/A-18E/F, F-16 i F-15), Francyju (Dassault Rafale), Vialikabrytaniju (Eurofighter Typhoon) i Šviecyju (Saab JAS-39 Gripen), piša defense-aerospace.com
Kab damahčysia bolšaj źnižki Finlandyja moža skaapieravacca sa Šviejcaryjaj, i dźvie krainy razam nabuduć jašče bolšuju kolkaść bajavych mašyn.
Na fonie rosta niebiaśpieki ŭ Uschodniaj Jeŭropie ŭ suviazi z ahresijaj RF suprać Ukrainy i parušeńniem finskaj pavietranaj prastory rasiejskimi samalotami, u minułym hodzie finskaja bajavaja avijacyja ŭpieršyniu z časoj Druhoj suśvietnaj vajny praviała vylety z vykarystańniem bajavych bomb.
Źniščalniki Boeing F/A-18C/D Hornet Finlandyja vyrašyła nabyć u 1992 hodzie, kab zamianić svaje sastarełyja MiH-21 i Saab J-35 Draken. U toj čas F/A-18C/D kankuryravaŭ z francuzskim Mirage 2000-5, amierykanskim F-16A/B, švedzkim JAS-39 Gripen i rasijskim MiH-29.
Zaraz, jak my bačym, pytańnie pra nabyćcio maskoŭskaj pradukcyi navat nie staić.
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary