Minski hurt HURMA prezientuje novy klip «Upaści» – historyju pra toje, što kožny pavinien znajści svaju druhuju pałovu i litaralna «ŭpaści ŭ kachańnie».
Režysioram novaha klipa staŭ Arciom Łobač, jaki paśpieŭ papracavać z hurtami The Toobes, J:mors, Akute. U novym klipie HURMA ludzi nie prosta padajuć, a syplucca ź nieba. Zdymki novaha klipa adbyvalisia ŭ Viazyncy, niedaloka la muzieja Janki Kupały, a taksama ŭ Minsku na batutnaj arenie «Džoj Džamp».
Sponsarami novaha videa stali prychilniki hurtu. Jany pieraličyli nieabchodnuju sumu na kraŭdfandynhavuju płatformu Ulej.by. «Heta była svojeasablivaja pravierka, ci padabajecca našym słuchačam toje, što my robim, i ci hatovyja jany nas padtrymać nie tolki łajkami ŭ internecie, ale i rublom. I, pa-mojmu, my jaje prajšli», — kaža frontmen hurtu Mikita Najdzionaŭ.
HURMA hraje ramantyčny biełaruskamoŭny pop-rok. Hurt atrymaŭ zvańnie «Debiut hoda» ad muzyčnaha partała Tuzin.fm, a taksama biełaruskamoŭny chit hoda ad telekanała ANT. Letaś hurt prezientavaŭ debiutny albom Repeat.
Ciapier HURMA jedzie ŭ svoj pieršy tur pad nazvaj «Upaści ŭ kachańnie». 30 krasavika muzykanty daduć kancert u Viciebsku, 8 maja — u Hrodna, 21 — u Maładziečnie, 22 — u Mahilovie i 25 — u Minsku.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary