«Adzin nieŭrołah na 26 tysiač dziaciej». Vieličeznaja čarha pa tałon da doktara ŭ Lidzie FOTA, VIDEA
U redakcyju źviarnułasia Iryna ź Lidy, jakaja nie zmahła siońnia ranicaj zapisać dzicia ŭ palikliniku. Miesca ŭ vielizarnaj čarzie niekatoryja baćki zajmali z 5-j ranicy.
— Moj muž jechaŭ na pracu i vioz u sad starejšaha. Ja źbirałasia iści zapisvacca da nieŭrołaha z małodšym dziciem. I jon mianie papiaredziŭ: nie varta navat sprabavać, vielmi vialikaja čarha. U internecie ja ŭbačyła videa, źniataje žycharami Lidy. Muž majoj siabroŭki a 5-j ranicy zajmaŭ miesca, kab prabicca da doktara, — raspaviała Iryna.
Zahadčyk lidskaj dziciačaj paliklinikaj Siarhiej Rak patłumačyŭ, što čarha ŭ palikliniku ŭtvaryłasia z-za doŭhaj adsutnaści druhoha nieŭrołaha. Pavodle jaho słoŭ, z 2 maja z adpačynku vychodzić asnoŭny nieŭrołah, a z 16 maja — prymać budzie i druhi śpiecyjalist, jaki niadaŭna prajšoŭ pierapadrychtoŭku pa dziciačaj nieŭrałohii.
— Asnoŭnaha nieŭrołaha ŭ krasaviku my adpuścili ŭ adpačynak, bo letam płanujecca šmat prafahladaŭ, dzieci rychtujucca da pastupleńnia. Nahruzka budzie vialikaja. Vychad druhoha nieŭrołaha na pracu značna palehčyć pracu. Da hetaha byŭ adzin nieŭrołah na ŭvieś horad i rajon — heta 26 tysiač dziaciej - popyt vialiki.
Pa słovach zahadčyka, na siońnia vioŭsia zapis da śpiecyjalistaŭ u tym liku pa telefonie.
— Było dastatkova miescaŭ, i usie, chto pryjšoŭ byli zapisanyja da nieŭrołaha da 11 ranicy. Prychodzić da 5-j ranicy i zajmać čarhu nie było nieabchodnaści, možna było pryjści ŭ luby čas, u druhi dzień abo datelefanavacca. Ale ŭsio čamuści vyrašyli pryjści adnačasova.
Siarhiej Rak kaža, što ŭ dalejšym takich čerhaŭ nie budzie. Z nastupnaha tydnia akramia zapisu pa telefonie (numar rehistratury jość na sajcie) budzie adkryty zapis pa internecie.
-
Łukašenka: Paśla abvastreńnia stanovišča na miažy ŭ vajenkamaty źviarnulisia tysiačy dobraachvotnikaŭ
-
Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci
-
Łukašenka: Siońnia nas sprabuje vučyć uvieś Jeŭrasajuz na čale sa Złučanymi Štatami
Čatyrochhadovaja Maja Lubimcava, jakuju šukali bolš za sutki, zahinuła
Čatyrochhadovaja Maja Lubimcava, jakuju šukali bolš za sutki, zahinuła
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki3
Kamientary