Pałova ŭdzielnic «Mis Biełaruś» niečakana adčuli siabie błaha i źviarnulisia da doktara
Zranku 28 krasavika adrazu 12 udzielnic konkursu «Mis Biełaruś - 2016» adčuli niedamahańnie i źviarnulisia pa miedycynskuju dapamohu.
Jak raspaviała pres-sakratar telekanała ANT Julija Duboŭskaja, zaraz dziaŭčaty znachodziacca ŭ paliklinicy dla vyśviatleńnia dyjahnazu.
— Udzielnicy pastajanna znachodziacca razam. U ich štodzionnyja mierapryjemstvy, učora repietavali. Mahčyma, dva chałodnyja dni spravakavali zachvorvańnie. Moža być, adna ź ich prychvareła i zaraziła inšych virusnaj infiekcyjaj. My čakajem zaklučeńnia ŭračoŭ.
Tydzień tamu arhanizatary konkursu adchilili adnu z udzielnic, 18-hadovuju minčanku Ksieniju Małočka. Pryčynaj stali spaźnieńni na repietycyi. Takim čynam, kolkaść pretendentak na karonu skaraciłasia da 24-ch.
Na dniach pradziusary «Mis Biełaruś - 2016» abiacajuć abviaścić novuju datu i miesca praviadzieńnia finalnaha šou. Pa słovach arhanizataraŭ, z-za padvyšanaj cikavaści da konkursu jany pryniali rašeńnie pieranieści finał z Prime Hall na inšuju placoŭku, što vyklikała nieabchodnaść pieranosu daty. Jak raspaviała Julija Duboŭskaja, nabytyja na 6 maja kvitki buduć sapraŭdnyja.
Kamientary