«Rodny baćka Alaksandr Ryhoravič!» Žychary Akciabrskaha šukajuć spraviadlivaści
Dva braty z Homielskaj vobłaści źviarnulisia praz Youtube pa dapamohu da «rodnaha baćki Alaksandra Ryhoraviča».
Aŭtar zvarotu, žychar rajcentra Akciabrski Valeryj Danilenka śćviardžaje, što paśla raniej raźmieščanaha na partale rolika ź jaho udziełam kiraŭnictva PMK-37 (pierasoŭnaja miechanizavanaja kałona) vyrašyła nie praciahvać ź im pracoŭny kantrakt i pahražaje, što ŭ rajonie jon bolš pracy nie znojdzie. Druhi ŭdzielnik videazvarotu — brat Valeryja Danilenki Vasil.
Raniej Valeryj Danilenka raźmiaściŭ na Youtube videazvarot da žycharoŭ rajona z prośbaj ab dapamozie i skarhaj na admovu načalstva praciahvać kantrakt.
Danilenka śćviardžaŭ, što, adpracavaŭšy 30 hadoŭ u PMK, ciapier, u 55-hadovym uzroście, zastaniecca biez srodkaŭ da isnavańnia. Paśla pieršaha rolika ŭ internecie kiraŭnictva PMK zajaŭlała, što rašeńnie ab padaŭžeńni albo niepadaŭžeńni kantrakta pakul nie pryniataje.
«Siońnia zachodžu da načalnika, jon mnie adkaz daŭ: ja tabie kantrakt nie padaŭžaju, mnie takija ludzi nie patrebnyja, jakija drenna pracujuć. Niaspraŭnaje ŭsio, a na nas napali na dvaich», — śćviardžaje Vasil Danilenka.
Pa słovach aŭtaraŭ zvarotu, u rajonie nie pravodziŭsia kapitalny ramont šluzaŭ, a vinavatymi robiać rabočych.
«Zakładvaješ klučy, łamy, vočy na łob i ciśnieš — usio traščyć i bjecca, a šluzy ni ź miesca. Navat novyja šluzy praktyčna całkam vyjšli sa stroju. I jany znajšli krajnich. Na kim vy vyjazdžajecie? Vy sami vinavatyja va ŭsim, tamu što jano niaspraŭnaje. Ni adnaho čałavieka nie zvalniajuć, akramia nas dvaich», — skardzicca Valeryj Danilenka.
Jon źviartajecca da Łukašenki: «Rodny baćka Alaksandr Ryhoravič! Da vas asabistaja prośba ad Danilenki Valeryja Ivanaviča i Danilenki Vasila Ivanaviča: kali łaska, raźbiaryciesia i dajcie adkaz na hetaje pytańnie».
Načalnik Akciabrskaha PMK-37 Alaksandr Bychan u kamientary BiełaPAN paćvierdziŭ, što sapraŭdy pracoŭny kantrakt z bratami Danilenkami nie budzie praciahnuty. Ale, pa słovach načalnika, pryčyna — nie rolik u internecie, a nienaležnaje vykanańnie pracoŭnych abaviazkaŭ hetymi rabotnikami.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary