«Lester Sici» («Lisy») vyjhraŭ anhlijskuju futbolnuju premjer-lihu siezona 2015/2016.
Zdaryłasia heta paśla taho, jak 2 maja, «Čełsi» i «Totenchiem» zhulali ŭničyju 2:2, i za dva tury da finišu «Lester» (hałoŭny trenier — Kłaŭdzia Rańjery) užo nie zdahnać.
Paśla 36 turaŭ: Lester — 77, Totenchiem — 70, Arsienał — 67, Mančester Sici — 64, Mančester Junajted – 60, Uest Chem — 59…
Da hetaha najlepšym dasiahnieńniem «Lestera» — kamandy z małoha haradka, zasnavanaj u 1884 h., było 2-je miesca ŭ siezonie 1928/29.
U 2008-m hodzie kamanda naohuł vystupała ŭ trecim dyvizijonie, u siezonie 2013-2014 h. vyjhrała čempijonšyp (druhi dyvizijon), a ŭ minułym hodzie ŭ premjer-lizie zaniała 14-je miesca.
Pierad pačatkam siezona kaeficyjent na pieramohu «Lestera» z bukmiekieraŭ składaŭ 5000 da 1.
Cikava, što paśla taho, jak u 1978 hodu čempijonam pieršy raz staŭ «Notynhiem Forest», zołata atrymlivali tolki samyja viadomyja kłuby, jakija kaliści raniej užo pieramahali ŭ čempijanacie.
Pieramohu «Lestera» užo nazyvajuć najvialikšym i samym niejmaviernym dasiahnieńniem u historyi anhlijskaha i jeŭrapiejskaha futboła.
«Lester Sici» nazaŭždy ŭvojdzie ŭ historyju anhlijskaha futboła jak kamanda, jakaja stała čempijonkaj, niahledziačy na toje, što jašče ŭ minułym siezonie jana zmahałasia za prava zastacca ŭ Premjer-lizie.
Da pačatku čempijanatu «Lester Sici» ličyŭsia adnym z hałoŭnych kandydataŭ na vylet, a hałoŭnaha treniera kłuba Kłaŭdzia Rańjery bukmiekiery nazyvali pieršym kandydatam na zvalnieńnie siarod nastaŭnikaŭ kamand vyšejšaha ešałona anhielskaha futboła.
Pierad prychodam u «Lester» Rańjery byŭ zvolnieny z pasady hałoŭnaha treniera zbornaj Hrecyi paśla taho, jak u červieni minułaha hoda jaho padapiečnyja prajhrali zbornaj Farerskich vyspaŭ.
Pryjšoŭšy ŭ «Lester», Rańjery zmoh mienš čym za 30 młn funtaŭ sabrać kamandu, što kinuła vyklik elicie anhlijskaha kłubnaha futboła.
Pry hetym u kamandzie nie było nivodnaj futbolnaj zorki, i było šmat hulcoŭ, adkinutych inšymi kłubami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary