Były dyrektar AAT «Mahiloŭsajuzdruk» prosić Łukašenku pra pamiłavańnie
Były dyrektar AAT «Mahiloŭsajuzdruk» Alaksandr Čačora, jaki abvinavačvajecca ŭ karupcyi, źviarnuŭsia da Alaksandra Łukašenki z prośbaj pra pamiłavańnie.
Chadajnictva ab pamiłavańni nakiravanaje ŭ Hienieralnuju prakuraturu, vynikaŭ razhladu pakul niama, paviedamiła staršy pamočnik prakurora Mahiloŭskaj vobłaści Alena Šumiejka.
Nahadajem, u listapadzie 2015 hoda śledčyja orhany zaviaršyli rasśledavańnie spravy byłoha dyrektara AAT «Mahiloŭsajuzdruk», abvinavačanaha ŭ šerahu karupcyjnych złačynstvaŭ i niezakonnych dziejańniach u dačynieńni da ahniastrelnaj zbroi. Śledčyja vyśvietlili, što jon nieadnarazova niezakonna zabiraŭ z kasy tavarystva hrašovyja srodki, jakija pastupali ŭ jakaści vyručki ad realizacyi tavarna-materyjalnych kaštoŭnaściaŭ, niezakonna atrymaŭšy takim čynam ź lutaha 2014 hoda pa sakavik 2015 hoda bolš za 285 młn. rubloŭ. Akramia taho, jak śćviardžajuć u Śledčym kamitecie, abvinavačvany atrymaŭ ad dyrektara pryvatnaha pradpryjemstva za vyrašeńnie pytańniaŭ, jakija ŭvachodziać u jaho kampietencyju, chabar u vyhladzie strelby marki «Biereta».
Padčas papiaredniaha rasśledavańnia byŭ nakładzieny aryšt na majomaść i hrašovyja srodki abvinavačanaha bolš čym na 22 młrd. rubloŭ. Abvinavačany taksama kampiensavaŭ škodu na ahulnuju sumu bolš za 290 młn. rubloŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary