Ministerstva handlu sumiesna ź Ministerstvam transpartu i kamunikacyj pravodziać vyvučeńnie hramadskaj dumki karystalnikaŭ daroh ab prydarožnym servisie na respublikanskich aŭtadarohach u Biełarusi, paviedamiła pres-słužba Minhandlu.
Zaŭvahi i prapanovy pa ŭdaskanaleńni raboty abjektaŭ handlu, hramadskaha charčavańnia i bytavoha absłuhoŭvańnia prydarožnaha servisu ŭsie achvotnyja mohuć pakinuć, zapoŭniŭšy ankietu dla karystalnikaŭ daroh abo ankietu dla ŭładalnikaŭ abjektaŭ prydarožnaha servisu, jakija raźmieščanyja na sajcie Minhandlu.
U karystalnikaŭ, u pryvatnaści, cikaviacca: jakich abjektaŭ prydarožnaha siervisu nie chapaje na darohach respublikanskaha značeńnia; što im nie padabajecca ŭ rabocie abjektaŭ prydarožnaha servisu ŭ Biełarusi; jak časta jany karystajucca pasłuhami prydarožnych kafe, haścinic, STA, myjek; ci ličać jany, što za apošnija 5-10 hadoŭ jakaść pasłuh prydarožnaha servisu ŭ krainie palepšyłasia.
Pytańni ankiety dla ŭładalnikaŭ abjektaŭ prydarožnaha servisu datyčacca prablem u pracy. U ich, u pryvatnaści, cikaviacca, jakija administracyjnyja pracedury i patrabavańni pry adkryćci i funkcyjanavańni abjektaŭ prydarožnaha servisu treba admianić; ci viedajuć jany pra isnavańnie lhot dla abjektaŭ prydarožnaha servisu, jakija budujucca i rekanstrujujucca, na respublikanskich aŭtadarohach.
Varta zaznačyć, što pytańniam raźvićcia prydarožnaha servisu było pryśviečana adno z krasavickich pasiadžeńniaŭ prezidyuma Savieta ministraŭ. Premjer-ministr Andrej Kabiakoŭ na im zajaviŭ, što «dastupnyja i jakasnyja pasłuhi prydarožnaha servisu — haścinic, stancyj techabsłuhoŭvańnia, aŭtazapravačnych stancyj, punktaŭ charčavańnia, handlu i inšych abjektaŭ — heta nie tolki ekanamičny składnik, ekspart pasłuh, ale i imidž krainy».
U svaju čarhu ministr transpartu i kamunikacyj Anatol Sivak paviedamiŭ, što da 2020 hoda ŭ krainie płanujecca pabudavać bolš za 470 novych abjektaŭ prydarožnaha servisu. «My pryniali hienieralnuju schiemu raźvićcia prydarožnaha servisu na respublikanskich aŭtamabilnych darohach. Tam paznačanyja miescy, dzie mohuć być pabudavanyja tyja ci inšyja abjekty prydarožnaha servisu. Hałoŭnaja zadača — vykanańnie daručeńniaŭ, jakija byli dadzienyja prezidentam: kab heta nie byli ziemli sielskahaspadarčaha pryznačeńnia, kab prydarožny servis raźmiaščaŭsia bližej da nasielenych punktaŭ, što bolš ekanamična vyhadna», — skazaŭ Sivak.
