Niadaŭna pryznačany Apostalski nuncyj ŭ Respublicy Biełaruś mansieńjor Habar Pinter skiravaŭ pryvitalnaje słova da «ŭsich hramadzian Biełarusi», paviedamiła Radyjo Vatykana
Pradstaŭnik Vatykana adznačyŭ, što viedaje pra dramatyčnuju historyju Biełarusi, «hetaha vysakarodnaha naroda», a fakt vienhierskaha pachodžańnia i ŭłasny vopyt žyćcia pad uładaj kamunistaŭ daje jamu šaniec lepš «zrazumieć aktualnuju situacyju Kaścioła i hramadstva ŭ Biełarusi».
«Heta vialiki honar i zadavalnieńnie dla mianie, mieć mahčymaść pradstaŭlać Śviatoha Ajca ŭ vašaj cudoŭnaj krainie, siarod hetaha vysakarodnaha naroda, u Kaściole, tak dramatyčna paciarpiełym, i ŭ toj ža čas nastolki žyvym. Toj fakt, što ja pachodžu ź Vienhryi i tamu viedaju realnaść kamunistyčnaha minułaha, niesumnienna, dapamoža mnie lepš zrazumieć aktualnuju situacyju Kaścioła i hramadstva ŭ Biełarusi», — havorycca ŭ pryvitańni.
«Ja byŭ vielmi rady atrymać infarmacyju pra vydatnaje supracoŭnictva pamiž Katalickim Kaściołam i Pravasłaŭnaj Carkvoj, što mnohija ličać madellu ekumienizmu. Dla mianie budzie pryjarytetam, raźvićcio i pahłybleńnie hetaha bratniaha i sapraŭdnaha chryścijanskaha suisnavańnia».
«U pačatku lipienia ŭ Budsłavie budzie adznačacca 25-ja hadavina ŭstalavańnia Minska-Mahiloŭskaj archidyjacezii, što stała simvałam adradžeńnia Katalickaha Kaścioła ŭ Biełarusi. Na žal, ja nie zmahu prysutničaje siarod vas fizična, ale budu tam duchoŭna i ŭ maich malitvach», — zaznačaje Habar Pinter.
Kamientary