Try pjanyja minčuki prakacilisia pa praśpiekcie Niezaležnaści na vazku z kramy, a zatym pačali hramić mašyny. Pra heta paviedamiła pres-aficer Pieršamajskaha RUUS Minska Volha Kućko.
Nočču maładyja ludzi zajšli va ŭniviersam pa praśpiekcie Niezaležnaści, kupili dźvie butelki piva, paśla čaho ŭziali kalasku pra praduktaŭ i vyjšli na vulicu.
«Paśla hetaha chłopcy, mabyć, vyrašyli trochi paviesialicca. Dvoje ź ich sieli ŭ «transpartny srodak», a treci byŭ za kiroŭcu — jon kaciŭ kalasku.
Varta adznačyć, što chłopcy staralisia vykonvać PDR: spynialisia na čyrvonaje śviatło śviatłafora, a na zialonaje praciahvali ruch», — raspaviała Volha Kućko.
Z praśpiekta jany zbočyli na vulicu Vałhahradskuju, tam spynilisia na parkoŭcy i stali hramić aŭtamabili: rukami i nahami bili pa kapocie, pakidajučy na mašynach ŭvahnutaści i drapiny. Paśla źbiehli.
Milicyja prosić hramadzian, jakija stali śviedkami hetych padziej, źviarnucca ŭ Pieršamajskaje RUUS Minska pa telefonach 8-017-280-02-02, 8-029-877-81-89. kanfidencyjalnaść harantavana.
Kamientary