U Biełarusi ŭsiu infarmacyjnuju pradukcyju zaraz tre budzie markiravać «0+», «6+», «12+», «16+» i «18+»
Alaksandr Łukašenka padpisaŭ zakon, jaki ŭvodzić dadatkovyja miery pa abaronie dziaciej ad infarmacyi, jakaja moža nanieści škodu ich zdaroŭju i raźvićciu. Zakon Respubliki Biełaruś ad 11 traŭnia 2016 hoda № 362-Z apublikavany siońnia na Nacyjanalnym pravavym internet-partale.
Jak paviedamlaje BIEŁTA, źmieny i dapaŭnieńni ŭnosiacca ŭ zakony ab pravach dziciaci, ab rekłamie, ab srodkach masavaj infarmacyi, ab infarmacyi, infarmatyzacyi i abaronie infarmacyi, a taksama ab vydavieckaj spravie. Bolšaść papravak pačnie dziejničać z 1 lipienia 2017 hoda.
U pryvatnaści, zakon uvodzić markiroŭku infarmacyjnaj pradukcyi z ukazańniem uzrostavaj katehoryi: «0+» (što aznačaje biez abmiežavańniaŭ), «6+» (dla asob, jakija dasiahnuli šaści hadoŭ), a taksama katehoryi «12+», «16+» i «18+».
Ciapier jurydyčnyja asoby i indyvidualnyja pradprymalniki, jakija zajmajucca vytvorčaściu i (abo) raspaŭsiudam infarmacyjnaj pradukcyi, buduć abaviazanyja nadavać takoj pradukcyi znak uzrostavaj katehoryi.
Zhodna z novym zakonam, ułaśniki kampjutarnych kłubaŭ, internet-kaviarniaŭ dy inšych miescaŭ, dzie jość kalektyŭny dostup karystalnikaŭ internetu, a taksama ŭstanovy adukacyi abaviazanyja ŭžyvać raznastajnyja srodki, kab nie raspaŭsiudžvać siarod dziaciej infarmacyju, jakaja nanosić škodu ich zdaroŭju i raźvićciu.
Kamientary