Pres-sakratar SK: Nam nieabchodna pieraadolvać takija tendencyi, kali zvyčajny čałaviek zdymaje peŭnyja dziejańni, a potym ich raspaŭsiudžvaje
Načalnik adździeła infarmacyi i suviazi z hramadskaściu centralnaha aparatu Śledčaha kamiteta Siarhiej Kabakovič uziaŭ udzieł u «kruhłym stale», arhanizavanym hazietaj «Źviazda». Jon vykazaŭ svajo mierkavańnie pra staŭleńnie nasielnictva pra siłavikoŭ.
Pryvodzim vytrymki.
— Nie sakret, što ciapier mnohija karystajucca hadžetami i amal kožny ličyć siabie žurnalistam. Čałaviek zdolny źniać lubyja dziejańni, vyrazać ich z kantekstu i padać infarmacyju tak, jak jamu chočacca. Heta nie havoryć ab tym, što ŭ jaho prysutničaje žadańnie zhańbavać čyjości sumlennaje imia. Heta śviedčańnie, što čałaviek nie zaŭsiody suadnosić svaje intaresy z hramadstvam.
Nie zusim pravilna pakazvać tyja ci inšyja dziejańni supracoŭnika milicyi abo raskazvać pra toje, jak śledčy pravodzić peŭnyja śledčyja dziejańni.
Nie zaŭsiody karektna raić Ministerstvu pa nadzvyčajnych situacyjach, jak nieabchodna tušyć pažar. Hetym zajmajucca śpiecyjalisty, prafiesijanały, jakija vučacca doŭhi čas, kab dapamahać našym hramadzianam.
* * *
— Nam nieabchodna ahulnymi namahańniami pieraadolvać takija tendencyi, kali zvyčajny čałaviek, tynejdžar, jaki ličyć siabie błohieram, prafiesijanałam u miedyjaśfiery, zdymaje peŭnyja dziejańni, a potym ich raspaŭsiudžvaje.
Pryčym pad takim vastryjom, što hramadskaści hetaja infarmacyja padajecca jak niehatyŭnaja. Ale jany nie kažuć pra toje, što małady čałaviek, jaki adsłužyŭ u armii, atrymaŭ tam śpiecyjalnaść, umieje trymać u rukach zbroju i navučany abaraniać Radzimu. Što milicyjanier, jaki achoŭvaje hramadski paradak na vulicy, — toj čałaviek, da jakoha, kali niešta zdarycca, vy pabiažycie ŭ pieršuju čarhu, a jon budzie vas ratavać. Tamu treba hłybiej raźbiracca ŭ tych dziejańniach, što vakoł adbyvajucca.
* * *
Što tyčycca błohieraŭ, treba pierachodzić krychu ŭ inšuju płoskaść. Kali rasijski błohier maje vialikuju kolkaść padpisčykaŭ, jon pavinien rehistravacca.
I heta pravilna: błohiery stvarajuć peŭnuju hramadskuju dumku, jany zajmajucca raspaŭsiudžvańniem infarmacyi dla nieabmiežavanaj kolkaści čytačoŭ, karystalnikaŭ. Tamu jany pavinny nieści za heta takuju ž adkaznaść, jak i zarehistravanyja srodki masavaj infarmacyi.
Kamientary