Košt aŭtamabilnaj zapčastki, najmieńnie jakoj, jak akazałasia, nie varta ŭsprymać litaralna, vyrasła na 158 rasijskich rubloŭ z-za padzieńnia kursu rubla.
Padraździaleńnie Ministerstva achovy zdaroŭja respubliki Sacha-Jakucija (Rasija) — miedycynski centr «Rezierv» — druhi hod zapar pakazvaje ŭ pieraliku nieabchodnych aŭtamabilnych zapčastak na aficyjnym sajcie dziaržzakupak vielmi dziŭnuju detal.
Siarod bampieraŭ, kołaŭ i akumulataraŭ ŭ śpisie dla pastaŭščykoŭ možna znajści «žopu».
Kali ŭ 2015 hodzie dziaržaŭny zakazčyk acaniŭ «žopu» ŭ 3631 rasijski rubiel 70 kapiejek (bolš za 1 młn biełaruskich rubloŭ), to ŭ 2016 jana padaražeła da 3789 rubloŭ 60 kapiejek (1 młn 136 tys. biełaruskich).
Źmianiŭsia i pastaŭščyk zapčastak dla ŭstanovy, jakaja źmiaščaje techniku, pryznačanuju dla likvidacyi nadzvyčajnych situacyj: u 2015 hodzie heta była firma, u 2016-m — indyvidualny pradprymalnik.
Ruskaja słužba Bi-bi-si adpraviła zapyt na elektronnuju poštu «Reziervu», a taksama na sajt jakuckaha Ministerstva achovy zdaroŭja. Zapyt byŭ pravierany maderataram i apublikavany na sajcie siarod inšych zvarotaŭ.
Jak vynikaje z adkazu «Reziervu», śpis zapčastak «składaŭsia na asnovie prajsa pastaŭščykoŭ, i, chutčej za ŭsio, była dapuščana pamyłka druku».
«Ceny na zapčastki taksama ustanaŭlivajuć pastaŭščyki, — adznačyŭ dyrektar «Reziervu» Fiadot Fiadotaŭ, — mahčyma, pavyšeńnie cany adbyłosia z-za padzieńnia kursu rasijskaha rubla. Detal pad numaram 1383 u 2015 hodzie nie zakuplałasia».
Pa zakonie RF № 44 ab adzinaj kantraktnaj sistemie, ustanovy i viedamstvy mohuć publikavać na sajcie dziaržzakupak pieralik patencyjna nieabchodnych zapčastak dla techniki (pakolki niemahčyma sprahnazavać, jakaja zapčastka złamajecca na praciahu hoda). Paśla zakančeńnia dziejańnia kantraktu apłačvajucca faktyčna pastaŭlenyja detali.
Kali vieryć adkazu, «žopu» čynoŭniki nie zakazvali, a značyć i biudžetnyja amal 4 tys. rubloŭ na jaje patračanyja nie byli.
U «Reziervie» paabiacali ŭ dalejšym bolš uvažliva praviarać prapanovy pastaŭščykoŭ.
Kamientary