Piać jeŭrapiejskich partnioraŭ «Hazproma» damahajucca ŭ sudzie pierahladu cenaŭ na haz, vynikaje sa spravazdačy rasijskaj kampanii.
Ciapier rasijskaja kampanija sudzicca z Shell Energy Europe, dackaj DONG Naturgas A/S, polskaj PGNiG, tureckaj BOTAŞ Petroleum Pipeline Corporation i hałandskaj GasTerra.
U «Hazpromie» adznačyli, što słuchańni nakuont pazovu DONG Naturgas projduć u kastryčniku-listapadzie 2016 hoda, a rašeńnie pa sprečcy z PGNiG pavinna być vyniesiena nie paźniej za 31 lipienia 2017 hoda. Pierśpiektyvy arbitražnaha razboru z tureckaj BOTAŞ pakul nieviadomyja — płan pavinien być zaćvierdžany ŭ bližejšy čas.
Dovady Shell Energy Europe sud maje namier vysłuchać tolki ŭ lutym 2018 hoda, a GasTerra zapatrabavała sudovaha pierahladu cen u kancy sakavika 2016 hoda i pazoŭ pakul nie razhledžany.
U svaju čarhu, «Hazprom» źjaŭlajecca inicyjataram sudovych razhladaŭ z «Naftahazam», «Turkmienhaz» i «Małdoŭhaz». Razboru ŭ dačynieńni da Kijeva i Kišyniova datyčacca spahnańnia zapazyčanaści za pastaŭleny haz. Z «Turkmienhaz» situacyja idzie inakš - rasijskaja kampanija prosić pierahledzieć ceny, pa jakich zakuplaje paliva ŭ Turkmienii.
Kamientary