Mininfa: Padzakonnyja akty da zakona pra markiroŭku infarmacyjnaj pradukcyi jašče nie raspracavanyja
Alaksandr Łukašenka padpisaŭ zakon, jaki ŭvodzić dadatkovyja miery pa abaronie dziaciej ad infarmacyi, jakaja moža nanieści škodu ich zdaroŭju i raźvićciu. Zakon Respubliki Biełaruś ad 11 traŭnia 2016 hoda № 362-Z apublikavany siońnia na Nacyjanalnym pravavym internet-partale.
U pryvatnaści, zakon uvodzić markiroŭku infarmacyjnaj pradukcyi z ukazańniem uzrostavaj katehoryi: «0+» (što aznačaje biez abmiežavańniaŭ), «6+» (dla asob, jakija dasiahnuli šaści hadoŭ), a taksama katehoryi «12+», «16+» i «18+».
Pad dziejańnie zakona padpaduć jak publikacyi ŭ ŚMI, tak i rekłama, i vydavieckaja dziejnaść. Nakiravany zakon na abaronu dziaciej. Jak paviedamili ŭ Ministerstvie infarmacyi, raspracoŭkaj zakona zajmałasia Ministerstva adukacyi.
Ale ž jak budzie dziejničać novy zakon? Treba budzie markiravać kožny artykuł ci vynosić paznaku ŭ nazvu vydańnia? Ci raspaŭsiudžvajecca jon na dziejnaść błohieraŭ? Praŭda, u Minifarmacyi padrabiaznaści dziejańnia novaha zakonu pakul paviedamić nie mohuć.
«Tak, kantralavać ŚMI budzie Mininfarm. Ale padzakonnyja akty jašče nie raspracavanyja», — paviedamiła «Našaj Nivie» Viktoryja Mialeška, načalnica ŭpraŭleńnia pravoj i kadravaj raboty Mininfa.
Nahadajem, što zakon ustupaje ŭ siłu 1 lipienia 2017 hoda.
Kamientary