Z 3 červienia Biełaruskaja čyhunka ŭ režymie padkantrolnaj ekspłuatacyi adkryvaje ruch elektraciahnikoŭ mižrehijanalnych linij biźnies-kłasa na ŭčastku Homiel — Minsk — Homiel.
Ciapier čas u šlachu ad Minska da Homiela skarocicca z 3 hadzin 42 chvilin da 2 hadzin 59 chvilin.
Ciahniki № 707/708 Homiel — Minsk i 709/710 Homiel — Minsk, što absłuhoŭvajucca vahonami łakamatyŭnaj ciahi na pieršym etapie zamieniać matorvahonnym ruchomym sastavam vytvorčaści kampanii Stadler. Raskład ciahnikoŭ budzie skarektavany.
Tak, štodzionny ciahnik №707 budzie adpraŭlacca z Homiela ŭ 7.00 i prybyvać u Minsk u 9.59.
U advarotnym kirunku ź Minska ciahnik №708 budzie adpraŭlacca štodnia ŭ 18.50 i prybyvać u Homiel u 21.49.
Ciahnik №709 Homiel — Minsk budzie adpraŭlacca z Homiela pa piatnicach i niadzielach u 14.36 i prybyvać u Minsk u 17.37.
Ciahnik №710 Minsk — Homiel budzie adpraŭlacca ź Minska pa piatnicach i niadzielach u 11.00 i prybyvać u Homiel u 14.16. U šlachu ruchu hetaha ciahnika praduhledžany prypynki pa stancyjach Babrujsk i Žłobin.
U pieršy rejs 3 červienia ciahnik № 709 Homiel — Minsk adpravicca z Homiela ŭ 14.36, a ciahnik №708 ź Minska — u 18.50.
Kamientary