Jeŭrapiejski viaščalny sajuz (EBU), arhanizatar «Jeŭrabačańnia», źbirajecca razhledzieć pietycyju ab pierahladzie vynikaŭ muzyčnaha konkursu, stvoranuju na sajcie change.org. Pra heta raspavioŭ pres-sakratar EBU Poł Džordan.
«My viedajem pra pietycyi i pytańnie budzie abmierkavana siońnia i adkaz EBU budzie apublikavany paźniej», — skazaŭ Džordan. Pry hetym jon nazvaŭ «małavierahodnym, što vyniki buduć pierahledžanyja».
Aŭtaram pietycyi źjaŭlajecca žychar Jerevana Artur Avanisian. «My razumiejem, što praces hałasavańnia žury i telehałasavańnia źjaŭlajecca ciažkim i emacyjnym, ale kolkaść čałaviek, jakija padpisali hety zvarot, pakazvaje, što «sioleta pieramožcam» konkursu źjaŭlajecca nie toj, chto sapraŭdy pavinien byŭ vyjhrać», - havorycca ŭ zvarocie.
Pa stanie na 14:20 pietycyju ŭžo padpisali bolš za 237 tys. čałaviek. Pry hetym jaje aŭtary nie ŭkazali, jaki vynik konkursu, na ich dumku, byŭ by spraviadlivym.
Pieramohu ŭ finale «Jeŭrabačańnia», jaki adbyŭsia ŭ Stakholmie 14 maja, atrymała vykanaŭca z Ukrainy Džamała ź pieśniaj «1944», pryśviečanaj departacyi krymskich tataraŭ. Na druhim miescy apynułasia śpiavačka z Aŭstralii Demi Im. Pieramožca hałasavańnia hledačoŭ Siarhiej Łazaraŭ staŭ trecim.
Dackaje žury konkursu ŭžo paśla jaho zakančeńnia pryznałasia, što pamyłkova prysudziła Džamale 12 bałaŭ, jaki byli pryznačanyja Demi Im. Adnak navat u vypadku, kali b hetaha nie adbyłosia, ukrainskaja śpiavačka atrymała b pieramohu.
Kamientary