U vypadku, kali abvinavačvańni ŭ sistematyčnym užyvańni dopinhu ŭ rasijskim sporcie buduć dakazanyja, heta padymie prablemu dopinhu na novy «šakavalny» ŭzrovień, zajaviŭ kiraŭnik Mižnarodnaha alimpijskaha kamiteta Tomas Bach.
Nastupstvami mohuć stać žorstkija finansavyja sankcyi, a taksama dyskvalifikacyja spartsmienaŭ i nacyjanalnych spartyŭnych fiederacyj, papiaredziŭ Bach.
Dniami ministr sportu Rasii Vital Mutko vybačyŭsia za dopinh-skandał, u vyniku jakoha rasijskich lohkaatletaŭ mohuć nie dapuścić da ŭdziełu ŭ Alimpijskich hulniach u Rya-de-Žaniejra ŭ žniŭni hetaha hoda.
U artykule, apublikavanym u brytanskaj haziecie Sunday Times, Mutko pryznaje, što «surjoznyja pamyłki byli dapuščanyja kiraŭnictvam Usierasijskaj fiederacyi lohkaj atletyki, a taksama spartsmienami i trenierami, jakija parušyli antydopinhavyja praviły i nie vykonvali pryncypy sumlennaj hulni, hetak fundamientalnyja dla sportu, dziela imhniennaha pośpiechu».
Tym časam źjaŭlajucca novyja abvinavačvańni ab užyvańni dopinhu dziasiatkami viadučych rasijskich spartsmienaŭ pry padtrymcy dziaržavy.
Kiraŭnik MAK zajaviŭ, što hetyja abvinavačvańni mohuć śviedčyć ab «biesprecedentnym uzroŭni złačynnaści» ŭ rasijskim sporcie.
Apytanka
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary