U niadzielu 11 traŭnia pad Mienskam adbyŭsia čarhovy spravazdačna-vybarčy źjezd Biełaruskaha Chielsynkskaha kamitetu.
![]() |
Pierad źjezdam pravaabarončaja arhanizacyja sutyknułasia z prablemaj pošuku pamiaškańnia. Była papiaredniaja damoŭlenaść z hatelem «Jubilejny», ale urešcie BCHK tam admovili. Za dzień da mierapryjemstva admova pryjšła taksama ad hatelu «Jubilejny», dzie nibyta prarvalisia truby. U terminovym paradku byli abtelefanavany paŭtara dziesiatka inšych ustanovaŭ, ale ŭsiudy BCHK sutykałasia z admovaj. Urešcie, było vyrašana sabracca pad Mienskam u pryvatnaj chacie Taciany Proćki.
U pracy źjezdu ŭziali ŭdzieł 36 delehataŭ. Staršynia arhanizacyi T.Proćka pa ŭłasnamu žadańniu pakinuła hetuju pasadu. Novym kiraŭnikom arhanizacyi adzinahałosna byŭ abrany Aleh Hułak, jaki i vykonvaŭ hetyja abaviazki paśla taho, jak T.Proćka źjechała ŭ ZŠA. Namieśnicaj staršyni BCHK stała Taciana Hacura, jakaja raniej zajmała pasadu vykanaŭčaha dyrektara arhanizacyi.
«Chaču adznačyć, što niejkich radykalnych źmienaŭ u našaj dziejnaści čakać nie davodzicca. Arhanizacyja maje svaju napracavanuju hadami tradycyju, u čym i zaklučajecca naša siła. Ja taksama ŭ BCHK čałaviek nia novy. Razam z tym, my chočam pašyryć u pracy arhanizacyi manitorynhavy, analityčny, adukacyjny nakirunki. Važnaj zadačaj siońnia padajecca manitorynh sioletnich parlamenckich vybaraŭ», – skazaŭ novy staršynia BCHK Aleh Hułak.
Źjezd prajšoŭ cicha, biez usialakich pieraškodaŭ z boku milicyi.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary