Na samym bierazie mora italjanskaha vostrava Sardzinija jość prytułak katoŭ pad nazvaj I Gatti di Su Pallosu, dziakujučy jakomu pad šum chvalaŭ možna pahulać z chvastatymi hadavancami ci panazirać za tym, jak jany hareziać na piasku.
Charakterna, choć pradstaŭniki siamiejstva kacinych zvyčajna nie lubiać vadu, miascovyja katy i koški z zadavalnieńniem ploskajucca ŭ mory, što źjaŭlajecca dziŭnym vidoviščam.
Zhodna z vynikami apytańnia na turystyčnym servisie TripAdvisor, plaž staŭ adnym z najlepšych turabjektaŭ na vostravie Sardzinija.
Zasnavany kaciny prytułak na plažy ŭ 2011 hodzie, u im žyvuć kala 60 katoŭ. Tolki za apošnija hady znakamity plaž naviedali 11 tysiač turystaŭ.
Zasnavalniki prytułku raspaviadajuć, što katy palubili miascovy plaž jašče da źjaŭleńnia tut padobnaj ustanovy, zvyš za sto hadoŭ tamu. A pryčynaj była dziejnaść rybakoŭ, jakija łavili tut tunca.
