1. Pavał Kaściukievič. «Płan Babarozy». Raman.
Siamiejnaja saha pra čatyry pakaleńni «panajechała», jakija žyćcio navylot zaŭziata asprečvajuć metazhodnaść svajho pierabyvańnia ŭ Minsku. Najnoŭšaja historyja Biełarusi na prykładzie adnoj mandražnaj siamiejki.
2. Michaił Vałodzin. Naš stary dobry Vaviłon. Prahułka pa Minskich historyjkach.
Paśla pośpiechu anhielskaj i rasiejskaj viersii vyjšła čarhovaja bilinhva ŭ pierakładzie Vitala Ryžkova (z ruskaje) i Śviatłany Lukievič i Andreasa Hradela (z ruskaje na niamieckuju). Bahata ilustravany špacyr pa histaryčnych kutkach stalicy.
3. Anatol Sys. Bierahi majho junactva. Vieršy, parodyi. Układańnie Alesia Bialackaha
Vieršy studenckich hadoŭ i nieviadomyja tvory paźniejšych časoŭ.
4. Valancin Akudovič. Pračnucca rankam u svajoj krainie. Zbor tekstaŭ.
Pra mužčynski klimaks, boha na Marsie, lišak žyćcia dy inšyja aktualnyja rečy ad fiłosafa, jakoha, jak viadoma, «niama».
5. Alesia Litvinoŭskaja i Hleb Łabadzienka. 20 krokaŭ da biełaruskaj movy.
«Mova nanova» na papiery. Padručnik novaha pakaleńnia.
6. Sven Nurdkvist. Blinny tort. Sa šviedskaje Nadzieja Kandrusievič.
Pierakananyja viaskoŭcy Petsan i Findus rychtujucca da śviata. Adnak ciapier heta ŭžo nie Kalady, a dzień narodzinaŭ Findusa. Što praŭda, katok adznačaje jaho trojčy na hod, ale kali takija drobiazi pieraškadžali dobramu śviatkavańniu?
7. Ryšard Kapuścinski. Čornaje dreva (afrykanskaja lichamanka). Z polskaje Jaŭhien Salajčuk.
Zapluščycie vočy i ŭjavicie Afryku… Litaratura fakta ad słavutaha pinčuka pra daloki tajamničy kantynient. Kniha nie tolki pra afrykasnki kosmas, ale i pra jeŭrapiejskuju kałanizacyju i biaskoncyja hramadzianskija vojny.
8. Alaksandr Kraŭcevič. Historyja Vialikaha Kniastva Litoŭskaha. 1248-1377hh.
Pra supierdziaržavu našych prodkaŭ. Padrabiazna pra pačatak haspadarstva i da duumviratu Alhierda i Kiejstuta Hiedyminavičaŭ.
9. Jury Stankievič. Paŭnočny viecier dla śpiełych pładoŭ.
Usio tyja ž «praklatyja» pytańni nacyjanalnaha samavyznačeńnia ŭ ramanie, apovieściach i apaviadańniach.
10. Kod prysutnaści. Antałohija biełaruskaha myśleńnia 2000-2015.
Teksty biełaruskich intelektuałaŭ, jakija pradstaŭlajuć praces raźvićcia biełaruskaha myśleńnia pačatku XXI stahodździa. Siarod aŭtaraŭ – Iryna Dubianieckaja,Volha Šparaha, Ihar Babkoŭ, Siarhiej Dubaviec, Aleś Razanaŭ, Taćciana Ščycova…
***
Top-10 samych kuplanych knih u kniharni «Łohvinaŭ» za krasavik
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary