U aŭtorak u Minsku na 63-m hodzie žyćcia paśla surjoznaj chvaroby pamior Andrej Tur.
Andrej Tur byŭ siarod najvyšejšych słužbovych asob krainy z 1995 hoda. Uradženiec Leninhrada i vypusknik minskaha narhasa, jaki abaraniŭ kandydackuju dysiertacyju ŭ 27 hadoŭ, a doktarskuju — u 39, zaniaŭ pasadu namieśnika ministra ekanomiki. Jon byŭ adnym z doŭhažycharoŭ siarod namieśnikaŭ ministra, zajmajučy hetuju pasadu da listapada 2011 hoda. Ministry ekanomiki mianialisia, a prafiesar Tur zastavaŭsia namieśnikam.
Na pytańnie: «Čamu Tura nie mianiajuć?» Ekśpierty davali adnaznačny adkaz: «Pieršaje — vysokaja kvalifikacyja. Druhoje, a moža, samaje hałoŭnaje, — tolki jon moh padnieści niepapularnyja ekanamičnyja rašeńni jak prahresiŭnyja».
Andrej Tur vystupaŭ za šerah inicyjatyŭ, u pryvatnaści, nie bieź jaho ŭdziełu pabačyła śviet prezidenckaja dyrektyva №4 ab libieralizacyi. Jaho časta možna było bačyć na mierapryjemstvach, arhanizavanych biźnies-sajuzami. Jon achvotna išoŭ na dyjałoh z pradstaŭnikami dziełavych kołaŭ.
U 2011-m hodzie Tura pryznačyli namieśnikam kiraŭnika Administracyi prezidenta. Alaksandr Łukašenka, pradstaŭlajučy jaho na hetuju pasadu, zaklikaŭ da pieramienaŭ, adznačyŭšy, što ekanamičny błok u Administracyi prezidenta pavinien nie dublavać dziejnaść urada, a nabyć palityčnuju afarboŭku. Hetuju pasadu Tur straciŭ pry kancy 2013-ha, paśla prezidenckaha raznosu na «Barysaŭdrevie».
Krytyku ŭ internecie ŭ svoj čas vyklikała parada Tura «žyć pa srodkach».
U apošnija hady Andrej Tur byŭ zahadčykam kafiedry ŭ BNTU, niadaŭna pieranios apieracyju na sercy.
U Tura zastalisia žonka i dačka.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary