Nieabchodnaje adzinstva Jeŭropy, navat kali jano tolki źniešniaje, a taksama žadańnie nie sastupać prezidentu Rasii Uładzimiru Pucinu — voś dźvie pryčyny, jakija tłumačać čakanaje padaŭžeńnie antyrasiejskich sankcyj u kancy červienia, piša Le Monde.
Jakimi b mocnymi ni byli roznahałośsi členaŭ Jeŭrasajuza pa hetym pytańni, «u rečaisnaści važna mienavita adzinstva 28 krain, i nichto nie voźmie na siabie adkaznaść jaho parušyć», cytuje vydańnie vysokapastaŭlenaha dypłamata.
Jak piša hazieta, Vienhryja, Hrecyja i Italija niadaŭna raskrytykavali praciah sankcyj u raniejšym vyhladzie, bolšaść ža krain Paŭnočnaj i Uschodniaj Jeŭropy nastojvajuć na padtrymańni žorstkaj linii ŭ dačynieńni da Maskvy. Inšyja krainy ličać, što Pucin «ničoha nie zrabiŭ, kab dapamahčy nam jamu dapamahčy, nijakaha ruchu».
Na dumku ekśpierta, kab nie abvastrać unutranyja roznahałośsi i nie paharšać i biez taho niaprostyja adnosiny z Rasijaj, Jeŭrasajuzu daviadziecca trochi «pryadzieć» ciapierašnija miery. U adroźnieńnie ad raniejšych časoŭ, kali rašeńnie ab padaŭžeńni sankcyj suprać Maskvy prymałasia na ŭzroŭni pasłoŭ i nasiła techničny charaktar, u červieni hetaje pytańnie buduć abmiarkoŭvać kiraŭniki jeŭrapiejskich dziaržaŭ i ŭradaŭ.
Jak piša hazieta, heta nie adzinaja sastupka krainam, jakija vystupajuć za admienu sankcyj. Tak, abmiarkoŭvajecca varyjant padaŭžeńnia sankcyj na try miesiacy, a nie na paŭhoda. Pavodle jašče adnaho mahčymaha scenara, sankcyi ŭsio ž padoŭžać na šeść miesiacaŭ, ale z mahčymaściu ich pastupovaha źniaćcia.
Kamientary