Prafiesar Piter Uodchems z Kiembrydžskaha ŭniviersiteta zajaviŭ, što Arktyka ŭpieršyniu za sto tysiač hadoŭ moža vyzvalicca ad ledzianoha pokryva ŭ 2016 ci ŭ 2017 hodzie. Pra heta piša The Independent.
Navukoviec zasnoŭvaje svoj prahnoz na tempach rastavańnia lodu ŭ Paŭnočnym paŭšarji i dadzienych Nacyjanalnaha centra śniehu i lodu ZŠA. Maksimalnaja płošča ledzianoha pokryva Arktyki zimoj 30 hadoŭ tamu składała 12.7 młn kv. km, a da 2016 hoda hety pakazčyk źmienšyŭsia da 11,1 młn kv. km.
Jak piša vydańnie, roźnica ŭ 1,6 młn kv. km paraŭnalnaja z płoščaj šaści takich krain, jak Vialikabrytanija. Rekordna nizki pakazčyk minułaha hoda składaje 3,4 młn kv. km. Uodchems miarkuje, što da kanca leta — pačatku vosieni hety rekord moža być pabity, kali płošča pokryva dasiahnie tolki miljona kvadratnych kiłamietraŭ ci navat nula.
U vypadku, kali ŭvieś lod nie rastanie, jaho reštki buduć skancentravany ŭ rajonie poŭnačy Kanady siarod mnostva vyspaŭ, tady jak u najbližejšaj da Rasii akvatoryi jaho nie pavinna zastacca. Apošni raz, pavodle acenak, Arktyka była całkam volnaja ad lodu 100—120 tys. hadoŭ tamu.
Kamientary