Amierykanskija žaŭniery buduć žyvymi «bajavymi elektrastancyjami»
Boj sučasnaj piachoty robicca ŭsio bolš składanym i vysokatechnałahičnym: žaŭniery vykarystoŭvajuć usio bolš elektraenierhii — dla srodkaŭ suviazi, aptyčnych i łaziernych prycełaŭ, sistem celeŭkazańnia, pryboraŭ načnoha bačańnia, dalnamieraŭ.
Navat mini-bieśpiłotniki mohuć źjavicca na ŭzbrajeńni zvyčajnaj piachoty.
U vyniku pry ŭsich namahańniach źnizić vahu žaŭnierskaha ryštunku, piechaciniec vymušany nieści ŭsio bolš raznastajnych akumulatarnych batarej.
Ale zapas akumulataraŭ nie zaŭsiody budzie možna apieratyŭna adnavić padčas bajavych dziejańniaŭ na froncie ci ŭ tyle voraha. Tamu vučonyja i hienierały Pientahona šukajuć alternatyŭnyja sposaby zachavać i vypracavać elektraenierhiju, piša aficyjny partał armytimes.com.
Jak minimum try novyja sistemy ryštunku dla zvyčajnaha amierykanskaha piechacinca raspracoŭvajucca zaraz dla taho, kab žaŭnier sam zrabiŭsia minielektrastancyjaj.
Pieršaja - Lightning Pack Rucksack Harvester - sistema ŭbudavanaja ŭ zaplečnik. Zaplečnik «skača» pa plačach žaŭniera, kali toj biažyć ci idzie.
U vyniku moža vykarystać hetuju enierhiju, adnačasova zrabiŭšy ŭdary pa plačach mienš mocnymi. Kali žaŭnier kročyć z chutkaściu da 5 km/h, to atrymlivajecca krynica toku ŭ 4 Vt, a z chutkaściu da 7 km/h — kala 40Vt.
Druhaja sistema — prosta lohkaja i hnutkaja soniečnaja batareja, jakaja čaplajecca źvierchu na zaplečnik bajca. Abmiežavańni viadomyja — drennaje nadvorje, adnak pry hetym reč moža atrymacca paraŭnalna vielmi tannaj i lohkaj. Pry hetym jana nie patrabuje ad žaŭniera ruchu, i złamacca ŭ joj amal ničoha nie moža.
Kaniešnie, śpiecyjalisty jašče buduć aceńvać, nakolki košt budzie adpaviadać efiektyŭnaści ŭ kožnym vypadku.
Adnak, kali nie adbudziecca revalucyja ŭ śfiery akumulataraŭ, chutčej za ŭsio ŭ najbližejšyja 5 hod my ŭbačym, jak žaŭniery samych sučasnych armij śvietu sami pačnuć vyrablać jak minimum častku enierhii dla svajho palavoha ryštunku.
-
Studyja ź minskimi karaniami vypuściła videahulniu pra Halivud. U jaje možna hulać pa-biełarusku
-
Navukoŭcy śćviardžajuć, što adkryli novy koler, jaki nichto raniej nie bačyŭ. Ale ŭbačyć jaho amal nierealna
-
Pierasyłka ryłsa ŭ instahramie moža vas vydać. Hetuju funkcyju nielha adklučyć, ale možna abaranić siabie — voś jak
Kamientary