Lavon Volski pradstaviŭ u siecivie klip na pieśniu «A chto tam idzie» z alboma «Hramadaznaŭstva». Tym časam na novy albom, jaki maje stać praciaham hetaha dyska, užo sabrana 86% nieabchodnaj sumy.
Lavon Volski prakamientavaŭ klip u svaim fejsbuku:
«Dziakuju za padtrymku novaha alboma, darahija siabroŭki i siabry! Užo 86% jość. Praca nad albomam nie spyniajecca. A pakul što prapanuju pahladzieć klip Macieja Saburava na pieśniu «A chto tam idzie» z papiaredniaha dysku «Hramadaznaŭstva». Klip vykanany ŭ asnoŭnych biełaruskich kolerach: čornym, biełym, čyrvonym i šerym.
Kaliści ja pisaŭ dypłomnuju pracu ŭ hetym kałarycie. Atrymaŭ try bały «za zachapleńnie nieŭłaścivymi našamu narodu farmalisckimi tendencyjami».
Režysior Maciej Saburaŭ – aŭtar šerahu klipaŭ dla «Krambambuli» («Hości», «Kab my kali kamu čaho») i inšych artystaŭ. «Ideja była ŭ tym, kab zrabić prosty, ale jarki rolik z akcentam na sens słovaŭ i samaho Lavona. Kali jon śpiavaje, na jaho cikava hladzieć», – patłumačyŭ Saburaŭ.
Padtrymać novy albom Lavona Volskaha možna praz sajt lavonvolski.com.
Kamientary