Rost spažyvieckich cen u Biełarusi pavinien skłaści ŭ 2016 hodzie nie bolš jak 12%, u 2017-m — nie bolš jak 9%, a zołatavalutnyja reziervy — pavialičycca da kanca nastupnaha hoda da 5,4 młrd. dołaraŭ. Takija aryjenciry praduhledžanyja apublikavanymi ŭmovami atrymańnia Biełaruśsiu kredytu Jeŭrazijskaj fondu stabilizacyi i raźvićcia (JEFSR).
Zhodna z umovami kredytnaj prahramy, raschody biudžetu na apłatu pracy rabotnikaŭ biudžetnych arhanizacyj u 2016—2017 hadach nie pavinny raści chutčej za inflacyju.
Adnačasova z hetym umovy davańnia kredytu praduhledžvajuć, što biełaruskija ŭłady pavinny zabiaśpiečyć pavieličeńnie zołatavalutnych reziervaŭ da 4,9 młrd. dołaraŭ na 1 studzienia 2017 hoda i naraścić ich da 5,4 młrd. dołaraŭ na 1 studzienia 2018 hoda.
Miarkujecca, što adnym z krynic pavieličeńnia zołatavalutnych reziervaŭ Biełarusi pavinna stać pryvatyzacyi dziaržułasnaści. U «Matrycy mier ekanamičnaj palityki i strukturnych pieraŭtvareńniaŭ» pieraličanyja ŭmovy davańnia Biełarusi kredytu, paviedamlajecca, što dakumient ŭ 2016 hodzie budzie «dapoŭnieny ŭmovaj ab pryvatyzacyi».
Zhodna z dakumientam biełaruskija ŭłady pavinny pryniać da 1 vieraśnia 2016 hoda kancepcyju kiravańnia dziaržaŭnaj majomaściu, paśla čaho buduć uniesienyja dadatkovyja ŭmovy vydzialeńnia Biełarusi jeŭrazijskaha kredytu.
Varta adznačyć, što «Matryca mier» praduhledžvaje davańnie Biełarusi jeŭrazijskaha kredytu na 2 młrd. dołaraŭ siamiu tranšami. Pieršy tranš na 500 młn. dołaraŭ Biełaruś atrymała ŭ kancy sakavika. Paśla taho jak Jeŭrazijski bank raźvićcia (kiraŭnik srodkami JEFSR) praviadzie acenku vykanańnia matrycy na 1 červienia, saviet jeŭrazijskaha fondu razhledzić pytańnie ab vydzialeńni Biełarusi druhoha tranšu.
Jak paviedamlałasia raniej, u kancy pieršaha kvartała Biełaruś zaklučyła pahadnieńnie ź Jeŭrazijskim bankam raźvićcia ab atrymańni kredytu na 2 młrd. dołaraŭ ZŠA sa srodkaŭ JEFSR. Kredytnaja prahrama raźličanaja na 2016—2017 hady.
Kamientary