Adnaŭleńnie ekspartu dazvolić pavialičyć nahruzku enierhabłokaŭ ukrainskich AES
Ukraina padtrymała prapanovu biełaruskich kalehaŭ nakont adnaŭleńnia raboty ŭkrainska-biełaruskaj rabočaj hrupy pa supracoŭnictvie ŭ śfiery enierhietyki ŭ ramkach raboty Mižuradavaj ukrainska-biełaruskaj źmiašanaj kamisii pa pytańniach handlova-ekanamičnaha supracoŭnictva.
Pra heta damovilisia ministr enierhietyki i vuhalnaj pramysłovaści Ukrainy Ihar Nasalik ź pieršym namieśnikam ministra enierhietyki Respubliki Biełaruś Leanidam Šencam, havorycca na aficyjnym sajcie Kabmina Ukrainy.
«Spadziajusia, što praca nazvanaj rabočaj hrupy budzie sadziejničać vyrašeńniu prablemnych pytańniaŭ i dalejšamu ŭzajemavyhadnamu supracoŭnictvu bakoŭ», — adznačyŭ Nasalik.
Jak adznačajecca, adnym z važnych pytańniaŭ, abmierkavanych padčas sustrečy, źjaŭlajecca adnaŭleńnie ekspartu elektraenierhii z Ukrainy ŭ Respubliku Biełaruś, jaki byŭ časova prypynieny ź listapada 2014 hoda.
Pa słovach Nasalika, adnaŭleńnie ekspartu dazvolić pavialičyć nahruzku enierhabłokaŭ ukrainskich AES, a taksama dolu atamnaj hienieracyi ŭ struktury vytvorčaści i pamienšyć sabiekošt elektraenierhii va Ukrainie.
«Akramia taho, baki vyznačyli, što pastaŭka elektraenierhii budzie ažyćciaŭlać Dziaržaŭnaje pradpryjemstva źniešnieekanamičnaj dziejnaści «Ukrinterenierha», - havorycca ŭ paviedamleńni.
Kamientary